Xchʼool
Chanru naxkʼut li Santil Hu naq li aatin chʼool naxkʼutbʼesi chanruho chi tzʼaqal, kʼaru naqakʼoxla, kʼaru naʼalaak saʼ qachʼool, chanru qanaʼlebʼ ut kʼaru naqekʼa?
Sl 49:4; Pr 16:9; Lu 5:22; Hch 2:26
Taawil ajwiʼ Dt 15:7; Sl 19:9.
-
Ebʼ li eetalil li naxchap ribʼ rikʼin li naʼlebʼ aʼin:
-
Lu 9:46-48. Li Jesús kixqʼus ebʼ li xtzolom xbʼaan naq wank kiril saʼ li xchʼoolebʼ: nekeʼraj naq teʼkʼeheʼq xwankil.
-
Kʼaʼut qʼaxal wank xwankil naq taakol laachʼool?
1Cr 28:9; Pr 4:23; Jer 17:9
-
Ebʼ li eetalil li naxchap ribʼ rikʼin li naʼlebʼ aʼin:
-
Gé 6:5-7. Saʼ xkʼabʼaʼ naq wank maaʼusilal saʼ li xchʼool li winq, kinumtaak li raaxiikʼ saʼ li Ruuchichʼochʼ ut li Yos kixkʼam chaq li Bʼutʼihaʼ saʼ xbʼeen li ruuchichʼochʼ.
-
1Re 11:1-10. Li awabʼej Salomón inkʼaʼ kixkol li xchʼool joʼkan naq kisumlaak rikʼinebʼ li ixq li jalanebʼ xtenamit ut saʼ xkʼabʼaʼ aʼin kixloqʼoni ebʼ li jalanil yos.
-
Mr 7:18-23. Li Jesús kixchʼolobʼ naq saʼ li qachʼool naʼelk chaq chixjunil li yibʼ aj naʼlebʼ li naqarahi ru ut aʼin naʼekʼasink qe chi xbʼaanunkil li naʼlebʼ li xikʼ naril li Jehobʼa.
-
Chanru tooruuq xkolbʼal li qachʼool?
Sl 19:15 Pr 3:3-6; Lu 21:34; Flp 4:8
Taawil ajwiʼ Esd 7:8-10; Sl 119:11.
-
Ebʼ li eetalil li naxchap ribʼ rikʼin li naʼlebʼ aʼin:
-
Ef 6:14-18; 1Te 5:8. Naq li apóstol Pablo kiʼaatinak chirix chixjunil li kixkʼe qe li Yos re naq tooyaloq, kixchʼolobʼ naq li paabʼal, li tiikilal ut li rahok naxkol li qachʼool joʼ naq li ramlebʼ chʼiichʼ naxkol li qaanm.
-
Chanru naqanaw ma wank jun li chʼaʼajkilal saʼ li qachʼool?
Pr 21:2-4; Heb 3:12
Taawil ajwiʼ Pr 6:12-14.
-
Ebʼ li eetalil li naxchap ribʼ rikʼin li naʼlebʼ aʼin:
-
2Cr 25:1, 2, 17-27. Saʼ xtiklajik, li awabʼej Amasías kixbʼaanu li nawulak chiru li Jehobʼa abʼan moko kixbʼaanu ta chi anchal xchʼool. Moqon chik, kiqʼetqʼetoʼk, inkʼaʼ kiʼabʼink chiru li Jehobʼa ut kixtoj rix li kixbʼaanu.
-
Mt 7:17-20. Li Jesús kixye chi chʼolchʼo ru naq wi moko us ta jun li cheʼ, moko us ta ajwiʼ li ru tixkʼe. Joʼkan ajwiʼ, wi moko us ta wank li qachʼool, moko us ta toonaʼlebʼaq.
-
Kʼaʼut tento tqabʼaanu chixjunil li wank saʼ quqʼ re naq us wanq li qachʼool ut chanru tooruuq xbʼaanunkil aʼin?
Pr 10:8; 15:28; Lu 6:45
Taawil ajwiʼ Sl 119:97, 104; Ro 12:9-16; 1Ti 1:5.
-
Ebʼ li eetalil li naxchap ribʼ rikʼin li naʼlebʼ aʼin:
-
2Re 20:1-6. Naq li awabʼej Ezequías kiyajerk ut kachʼin chik ma kikamk, kixtzʼaama re li Jehobʼa naq ttenqʼaaq xbʼaan naq kikʼanjelak chiru chi anchal xchʼool.
-
Mt 21:28-32. Li Jesús kixchʼolobʼ rikʼin jun li eetalil chanru wank li xchʼool jun li winq rikʼin li naxye ut li naxbʼaanu.
-
Kʼaʼut nasahoʼk saʼ qachʼool xnawbʼal naq li Jehobʼa naxtzʼil rix li wank saʼ li qachʼool?
1Cr 28:9; Jer 17:10
Taawil ajwiʼ 1Sa 2:3.
-
Ebʼ li eetalil li naxchap ribʼ rikʼin li naʼlebʼ aʼin:
-
1Sa 16:1-13. Li propeet Samuel kixtzol naq li Jehobʼa inkʼaʼ naxkʼe saʼ xchʼool chanru nokooʼilok, naxkʼe bʼan saʼ ajl li wank saʼ li qachʼool.
-
2Cr 6:28-31. Li tij li kixbʼaanu li awabʼej Salomón naq kixqʼaxtesi li rochoch li Yos naxkʼutbʼesi naq li Jehobʼa naril chi tzʼaqal re ru li wank saʼ li qachʼool ut naroksi aʼin re qatenqʼankil.
-
Maare twulaq ajwiʼ chaawu
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
