Ebʼ li eetalil li naxchap ribʼ rikʼin li naʼlebʼ aʼin:

• Lu 4:​42-44. Li Jesús kixye naq li Yos kitaqlank re saʼ Ruuchichʼochʼ re xkʼebʼal chi naweʼk li chaabʼil esil.

• Jn 4:​31-34. Li Jesús kixye naq chanchan xtzekemq xkʼebʼal chi naweʼk li chaabʼil esil.

Ebʼ li eetalil li naxchap ribʼ rikʼin li naʼlebʼ aʼin:

• 2Re 5:​1-4, 13, 14, 17. Jun li chʼina ixqaʼal aj Israel kiʼaatinak rikʼin li ixq aj Siria laj echal re, chirix laj Eliseo xpropeet li Jehobʼa.

• Mt 21:​15, 16. Naq ebʼ li kokʼal xeʼxnima ru li Jesús saʼ rochoch li Yos, ebʼ li xbʼeenil aj tij ut ebʼ aj tzʼiibʼ xeʼchʼaʼajkoʼk, abʼan li Jesús kixqʼusebʼ.

Ebʼ li eetalil li naxchap ribʼ rikʼin li naʼlebʼ aʼin:

• Hch 16:​12, 22-24; 1Te 2:​1, 2. Usta qʼaxal kaw li rahobʼtesiik, li apóstol Pablo ut ebʼ li rochbʼeen inkʼaʼ xeʼxuwak chi moko xeʼxkanabʼ ta xkʼebʼal chi naweʼk li chaabʼil esil xbʼaan naq li Yos kitenqʼank rehebʼ.

• 2Co 12:​7-9. Li apóstol Pablo wank jun li xrahilal li yook chi chʼiʼchʼiʼink re. Li rahilal aʼin chanchan jun li kʼix. Abʼan, inkʼaʼ kilubʼk xkʼebʼal chi naweʼk li yaal xbʼaan naq li Jehobʼa kixkʼe xmetzʼew.

Ebʼ li eetalil li naxchap ribʼ rikʼin li naʼlebʼ aʼin:

• Jn 7:15. Sachsokebʼ xchʼool laj judiiy chi rilbʼal naq numtajenaq xnawom li Jesús usta inkʼaʼ kitzolok saʼebʼ li tzolebʼaal bʼarwiʼ nekeʼkʼutuk ebʼ aj kʼamolbʼe saʼebʼ li paabʼal.

• Hch 4:13. Usta chiruhebʼ li qas qiitzʼin, ebʼ li xʼapóstol li Jesús maakʼaʼebʼ xwankil chi moko kʼihebʼ ta xtzolbʼal, ebʼ li apóstol inkʼaʼ xeʼxuwak xkʼebʼal chi naweʼk li yaal chi sahebʼ saʼ xchʼool.

Ebʼ li eetalil li naxchap ribʼ rikʼin li naʼlebʼ aʼin:

• Is 50:​4, 5. Naq toj maajiʼ nachalk saʼ Ruuchichʼochʼ, li Sikʼbʼil Ru ak yook chaq chi kawresiik xbʼaan li Jehobʼa.

• Mt 10:​5-7. Arin saʼ Ruuchichʼochʼ, li Jesús kixkʼutbʼesi li xkuyum naq kixkawresihebʼ li xtzolom re naq teʼxkʼe chi naweʼk li chaabʼil esil.

Ebʼ li eetalil li naxchap ribʼ rikʼin li naʼlebʼ aʼin:

• Mr 12:​18-27. Ebʼ laj saduseey inkʼaʼ nekeʼxpaabʼ li wakliik chi yoʼyo joʼkan naq li Jesús kiroksi li Santil Hu re naq truuq chi naʼlebʼak rikʼinebʼ, ut chi joʼkan kixkʼut chiruhebʼ naq sachsokebʼ.

• Hch 17:​16, 17, 29, 30. Li apóstol Pablo kinaʼlebʼak rikʼinebʼ laj Atenas ut kixkʼut chiruhebʼ naq moko us ta xloqʼoninkil li pechʼbʼil yos.

Ebʼ li eetalil li naxchap ribʼ rikʼin li naʼlebʼ aʼin:

• Jn 4:​6, 7, 13, 14. Usta lubʼlu chaq li Jesús, kixkʼe chi naweʼk li chaabʼil esil re jun li ixq aj Samaria li wank chire jun li poos.

• Flp 1:​12-14. Usta li apóstol Pablo tzʼaptzʼo saʼ jun li ochoch xbʼaan li xpaabʼal, junelik kixkawresi ribʼ re xkʼebʼal chi naweʼk li yaal ut re xwaklesinkilebʼ xchʼool li junchʼol.

Ebʼ li eetalil li naxchap ribʼ rikʼin li naʼlebʼ aʼin:

• Jer 7:​23-26. Li Jehobʼa kiroksi laj Jeremías re xchʼolobʼankil naq li xtenamit moko junelik ta kirabʼi ebʼ li propeet.

• Mt 13:​10-16. Li Jesús kixchʼolobʼ naq naabʼalebʼ li qas qiitzʼin teʼrabʼi li chaabʼil esil abʼan inkʼaʼ teʼxkʼulubʼa joʼ kikʼulmank saʼ xkutankil laj Isaías.