Xqʼaxtesinkil laayuʼam
Kʼaru naʼekʼasink qe chi xqʼaxtesinkil li qayuʼam chiru li Jehobʼa?
Dt 6:5; Lu 10:25-28; Ap 4:11
Taawil ajwiʼ Éx 20:5.
Wi naqaj kʼanjelak chiru li Yos, chanru tento tqil li Santil Hu?
Ani naroksi li Yos re qisinkil rubʼel xwankil li maak? Kʼaʼut qʼaxal wank xwankil choʼq qe chiqajunqal?
Kʼaru naraj xyeebʼal xyotʼbʼal qachʼool ut xjalbʼal qanaʼlebʼ xbʼaan li xqabʼaanu chaq junxil?
-
Ebʼ li eetalil li naxchap ribʼ rikʼin li naʼlebʼ aʼin:
-
Lu 19:1-10. Laj Zaqueo, jun rehebʼ li nekeʼxjolomi ebʼ li winq li nekeʼxchʼutubʼ li toj choʼq re li awabʼej, kixbʼalaqʼihebʼ li junchʼol re relqʼankilebʼ, abʼan kixyotʼ xchʼool ut kixjal xnaʼlebʼ joʼkan naq kixqʼaxtesi li tumin li kixmaqʼ rehebʼ li junchʼol.
-
1Ti 1:12-16. Li apóstol Pablo kixchʼolobʼ naq kixkanabʼ chiʼixbʼej chixjunil li maaʼusilal li kixbʼaanu chaq ut xbʼaan li ruxtaan li Yos ut li Kriist kikuyeʼk xmaak.
-
Usta ak xqakanabʼ xbʼaanunkil li inkʼaʼ us, kʼaru chik tento tqabʼaanu?
Kʼaru li chaabʼil naʼlebʼ naraj li Yos naq tqabʼaanu re naq tixkʼulubʼa li loqʼonink li naqakʼe re?
1Co 6:9-11; Col 3:5-9; 1Pe 1:14, 15; 4:3, 4
-
Ebʼ li eetalil li naxchap ribʼ rikʼin li naʼlebʼ aʼin:
-
1Co 5:1-13. Li apóstol Pablo kixye rehebʼ laj paabʼanel re Corinto naq teʼrisi saʼ li chʼuut, li winq kimaakobʼk saʼ li muxuk. Kʼajoʼ xyibʼal ru li kixbʼaanu.
-
2Ti 2:16-19. Li apóstol Pablo kixye re laj Timoteo naq inkʼaʼ tixkʼulubʼa chixjunil li nekeʼxye chaq ebʼ li winq li xeʼxtzʼeqtaana li tzʼaqal loqʼonink. Li nekeʼxye ebʼ li winq aʼin chanchan li xox li naxqʼaresi saʼ junpaat li xtibʼel junaq li qas qiitzʼin.
-
Kʼaʼut inkʼaʼ tooʼokenq chirix li xʼawabʼejilal li ruuchichʼochʼ aʼin?
Is 2:3, 4; Jn 15:19
-
Ebʼ li eetalil li naxchap ribʼ rikʼin li naʼlebʼ aʼin:
-
Jn 6:10-15. Naq li Jesús kixchʼolani li kʼiila tenamit rikʼin li xwankil li Yos, ebʼ li qas qiitzʼin xeʼxyal xkʼebʼal choʼq awabʼej, abʼan li Jesús kiʼelelik chiruhebʼ.
-
Jn 18:33-36. Li Jesús kixchʼolobʼ naq li Xʼawabʼejilal inkʼaʼ naxchap ribʼ rikʼin li xʼawabʼejilal li ruuchichʼochʼ.
-
Chanru nokooxtenqʼa li santil musiqʼej re naq tookʼanjelaq chiru li Yos?
Taawil ajwiʼ Hch 20:28; Ef 5:18.
-
Ebʼ li eetalil li naxchap ribʼ rikʼin li naʼlebʼ aʼin:
-
Hch 15:28, 29. Li santil musiqʼej kixbʼeresihebʼ li nekeʼjolomink re xmolam li Jehobʼa saʼ xkutankilebʼ li apóstol re naq teʼxnaw kʼaru teʼxbʼaanu chirix li naʼlebʼ li wank xwankil aʼ li xsetbʼal xtzʼuumal xtzʼejwal junaq li qas qiitzʼin.
-
Chanru tooruuq xkʼambʼal qe rikʼin li Jesús ut xyuʼaminkil li xqaye re li Yos naq xqaqʼaxtesi li qayuʼam chiru?
Kʼaʼut tento tkubʼeeq xhaʼ junaq li qas qiitzʼin li ak xqʼaxtesi li xyuʼam chiru li Yos?
Mt 28:19, 20; Hch 2:40, 41; 8:12; 1Pe 3:21
-
Ebʼ li eetalil li naxchap ribʼ rikʼin li naʼlebʼ aʼin:
-
Mt 3:13-17. Naq kikubʼeek xhaʼ li Jesús, kixkʼutbʼesi naq kichalk saʼ Ruuchichʼochʼ re xbʼaanunkil li naraj li Xyuwaʼ.
-
Hch 8:26-39. Naq ak xrabʼi li esil chirix li Jesús, li winq aj Etiopía, li wank xwankil, kirekʼa naq ak kawresinbʼil chik re naq tkubʼeeq xhaʼ. Li winq aʼin ak yook chaq xloqʼoninkil li Yos.
-
Maare twulaq ajwiʼ chaawu
EBʼ LI PATZʼOM CHIRIX LI SANTIL HU
K’aru li kub’iha’?
Li Santil Hu na’aatinak chirix naab’aleb’ li xe’sub’e’k sa’ ha’. Xb’aan a’in, naru naqanaw k’aru naraj xyeeb’al li sub’e’k sa’ ha’ ut k’a’ut wank xwankil.
CHIQIX
Patzʼ naq tateʼrulaʼani
Aatinan chirix junaq li naʼlebʼ saʼ li Santil Hu malaj tzol xkomon aanaʼlebʼ chirix ebʼ laj Testiiw.
