TIKIBʼ AATINAK
TZOLOM 5
Maatochʼ xchʼoolebʼ
Li naxye li Santil Hu: «Junelik texʼaatinaq saʼ qʼunil» (Col. 4:6).
Li kixbʼaanu laj Pablo
1. Taawil li BʼIDEO malaj taayaabʼasi Hechos 17:22, 23. Chirix chik aʼan taatzʼil rix ebʼ li patzʼom aʼin:
-
Chanru kirekʼa ribʼ laj Pablo naq kiril naabʼal li pechʼbʼil yos aran Atenas? (Taayaabʼasi Hechos 17:16).
-
Naq laj Pablo kixkʼut li yaal rehebʼ laj Atenas, kʼaru kixbʼaanu re naq inkʼaʼ tixtochʼ xchʼoolebʼ?
Kʼaru naqatzol rikʼin laj Pablo?
2. Maare tooʼeʼrabʼi wi naqasikʼ chiʼus li tqaye, chanru tqaye ut joqʼe tqaye.
Kʼam aawe rikʼin laj Pablo
3. Sikʼ ru chiʼus laawaatin. Jun eetalil, wi nakat-aatinak rikʼin junaq li qas qiitzʼin li maakʼaʼ xpaabʼal, maare tento taajal chanru nakat-aatinak chirix li Santil Hu ut chirix li Jesús.
4. Maaye saʼ junpaat naq moko us ta li yook xyeebʼal. Kanabʼ naq tixye li wank saʼ li xchʼool. Ut naq tixye junaq li naʼlebʼ li moko naxchap ta ribʼ rikʼin li Santil Hu, maaye re, naq moko joʼkan ta (Sant. 1:19). Wi nakaakʼe aachʼool chi rabʼinkil, taataw ru li naxpaabʼ ut kʼaʼut naxpaabʼ (Prov. 20:5).
5. Naq tixkʼe ribʼ, kʼulubʼa li naxye ut bʼanyoxi li raatin. Jultikoʼq aawe naq maare paabʼajel chiru li qas qiitzʼin li naxpaabʼ. Xbʼeenwa aatinaqex chirix li naʼlebʼ li nekeenaw saʼ kabʼichal ut timil timil taatenqʼa chi xtawbʼal ru li naxkʼut li Santil Hu.
TAAYAABʼASI AJWIʼ
Prov. 25:15; 2 Tim. 2:23-26; 1 Ped. 3:15
