Kʼaru Naraj li Yos?
Li Yos naraj naq toowanq chi junelik, saʼ tuqtuukilal ut sahaq saʼ qachʼool chi wank arin saʼ Ruuchichʼochʼ.
Abʼan maare nakaakʼoxla, chanru tchʼinaʼusoʼq chixjunil? Li Santil Hu naxye naq li Xnimajwal Awabʼejilal li Yos tbʼaanunq re. Li Yos naraj naq chiqajunilo tqatzol chirix li Xʼawabʼejilal ut kʼaru naraj choʼq qe (Salmo 37:11; Proverbios 2:21; Isaias 9:7).
Li Yos naraj naq us wanqo.
Li chaabʼil yuwaʼbʼej naraj naq us wanqebʼ li xkokʼal ut li Qayuwaʼ li wank saʼ choxa naraj naq junelik sahaq saʼ qachʼool (Isaias 48:17, 18). Li Yos naxye naq «li nabʼaanunk re li rajom [...] wanq chi junelik» (1 Juan 2:17).
Li Yos naraj naq junelik toowanq saʼ li xbʼe.
Li Santil Hu naxye naq li Jehobʼa naraj xkʼutbʼal «chiqu kʼaru li rajom» re naq «tqataaqe li [x]bʼe» (Isaias 2:2, 3). Li Yos kixxaqabʼ «jun tenamit tpaabʼanq [tkʼamoq, TNM] re li xkʼabʼaʼ» ut tixkʼe chi naweʼk li Rajom saʼ chixjunil li Ruuchichʼochʼ (Hechos 15:14, Li Akʼ Chaqʼrabʼ, Sociedad Bíblica en Guatemala, [Ac]).
Li Yos naraj naq tqaloqʼoni ru saʼ junajil.
Li tzʼaqal paabʼal moko yook ta xjachinkilebʼ li qas qiitzʼin, yook bʼan xjunajinkilebʼ rikʼin li rahok (Juan 13:35). Ut anihebʼ yookebʼ xkʼutbʼal chiruhebʼ li qas qiitzʼin xloqʼoninkil li Yos saʼ junajil? Tzʼil xsaʼ li tasal hu aʼin re naq taataw xsumenkil li patzʼom.
Maare twulaq ajwiʼ chaawu
CHIQIX
Chanru natzolmank li Santil Hu?
Saʼ xbʼeen li ruuchichʼochʼ, ebʼ laj Testiiw nawbʼilebʼ ru xbʼaan li tzolok li nekeʼxkʼe chi siibʼil. Tzol chanru nabʼaanumank.
CHIQIX
Kʼaʼut us naq tattzoloq chirix li Santil Hu? (chixjunil)
Chi miyon ebʼ li qas qiitzʼin re chixjunil li Ruchichʼochʼ xeʼxtaw saʼ li Santil Hu xsumenkil ebʼ li xninqal ru patzʼom. Naqaj naq taatzol li chaabʼil tasal hu aʼin.
