Twulaq xhoonal naq ebʼ li kristiʼaan teʼxyal xrambʼal chiqu xloqʼoninkil ru li Jehobʼa ut tooʼeʼxrahobʼtesi. Ma tooxxibʼe raj aʼin?

1. Kʼaʼut inkʼaʼ nasach qachʼool naq nokooʼeʼxrahobʼtesi?

Li Santil Hu naxye chi chʼolchʼo ru naq «chixjunilebʼ li teʼraj paabʼank chi chaabʼil saʼ xkʼabʼaʼ li Kristo Jesus, teʼrahobʼtesiiq» (2 Timoteo 3:12). Li Jesús kirahobʼtesiik xbʼaan naq moko kitzʼaqonk ta saʼ xruuchichʼochʼ laj Tza. Ut laaʼo moko nokootzʼaqonk ta ajwiʼ, joʼkan naq inkʼaʼ nasach qachʼool naq ebʼ li awabʼej ut ebʼ li bʼalaqʼil paabʼal nokooʼeʼxrahobʼtesi (Juan 15:18, 19).

2. Chanru tqakawresi qibʼ naq toj maajiʼ nokooʼeʼxrahobʼtesi?

Anaqwan xhoonalil re xkawresinkil li qamiiwil rikʼin li Jehobʼa. Chanru tqabʼaanu aʼin? Naq wulaj wulaj tootijoq, tqil xsaʼ li Santil Hu ut naq junelik wanqo saʼebʼ li chʼutam. Chixjunil aʼin tixkawubʼresi laachʼool re naq inkʼaʼ tatxuwaq naq tateʼxrahobʼtesi usta ebʼ laakomon nekeʼbʼaanunk re. Li apóstol Pablo kixkʼul ajwiʼ li rahobʼtesiik joʼkan naq kixye: «Li Qaawaʼ aʼan aj tenqʼahom we; inkʼaʼ tinxiwaq» (Hebreos 13:6).

Wi rajlal naqakʼe chi naweʼk li chaabʼil esil, aʼin tooxtenqʼa re naq inkʼaʼ tooxuwaq. Aʼin nokooxtenqʼa ajwiʼ re naq kʼojkʼooq qachʼool rikʼin li Jehobʼa ut naq inkʼaʼ tqaxuwa ru ebʼ li winq (Proverbios 29:25). Wi anaqwan nakaakawresi laachʼool, inkʼaʼ tatxuwaq naq ebʼ li awabʼej teʼxram chiqu li qakʼanjel (1 Tesalonicenses 2:2).

3. Ma wank rusilal xkuybʼal li rahobʼtesiik?

Yaal naq inkʼaʼ nawulak chiqu naq nokooʼeʼxrahobʼtesi. Abʼan naq naqaqʼax ru nakawuuk li qapaabʼal. Nokoonachʼok chixkʼatq li Jehobʼa naq naqil chanru nokooxtenqʼa naq maakʼaʼ chik qametzʼew (yaabʼasi Santiago 1:2-4). Narahoʼk saʼ xchʼool li Jehobʼa naq nokoorahobʼtesiik abʼan nasahoʼk saʼ xchʼool naq naqaqʼax ru. Li Santil Hu naxye: «Wi nekebʼaanu li us ut nekekuy li rahobʼtesiik, aʼan loqʼ chiru li Yos» (1 Pedro 2:20). Wi inkʼaʼ naqatzʼeqtaana li Jehobʼa xbʼaan li rahobʼtesiik, aʼan tixkʼe li qayuʼam chi junelik saʼ li akʼ Ruuchichʼochʼ bʼarwiʼ maakʼaʼaqebʼ chik li xikʼ nekeʼilok re li tzʼaqal paabʼal (Mateo 24:13).

 QASIKʼAQ XCHAMAL LI NAʼLEBʼ

4. Naru nakaakuy wi ebʼ laakomon nakateʼxrahobʼtesi

Li Jesús naxnaw naq wanqebʼ li qakomon li inkʼaʼ teʼraj naq tqaloqʼoni ru li Jehobʼa. Cheeyaabʼasi Mateo 10:34-36 ut chexʼaatinaq chirix li patzʼom aʼin:

• Kʼaru naru nekeʼxye li junkabʼal naq junaq naʼok chi kʼanjelak chiru li Jehobʼa?

5. Maakanabʼ naq li rahobʼtesiik tixram chaawu xloqʼoninkil ru li Jehobʼa

 6. Li Jehobʼa tatxtenqʼa chi xkuybʼal

 LI AK XQATZOL

Oxloqʼ chiru li Jehobʼa naq naqayal qaqʼe re kʼanjelak chiru usta nokooʼeʼxrahobʼtesi ut nokooxtenqʼa re xqʼaxbʼal ru.

Qajultikaq

• Joʼ tzʼaqal aj paabʼanel kʼaʼut inkʼaʼ nasach qachʼool naq nokooʼeʼxrahobʼtesi?

• Kʼaru taabʼaanu re xkawubʼresinkil aawibʼ naq toj maajiʼ nakatrahobʼtesiik?

• Kʼaʼut chʼolchʼo chaawu naq maakʼaʼ naxye li tkʼulmanq junelik tatkʼanjelaq chiru li Jehobʼa?