1. Qʼaxal chaabʼil laabʼaanuhom, Jehobʼa.

Saʼ laayobʼtesihom wank laaloqʼal.

Usta maakʼaʼ xyaabʼ xkux li choxachʼochʼ,

chanchan naq nabʼichank chaawu, at Yos.

Usta maakʼaʼ xyaabʼ xkux li choxachʼochʼ,

chanchan naq nabʼichank chaawu, at Yos.

2. Jwal us choʼq we aawabʼinkil, Jehobʼa.

Saʼ laawaatin nintaw li tzʼaqal yaal.

Qʼaxal oxloqʼ choʼq we ebʼ laachaqʼrabʼ

ut jwal kiʼebʼ chiru xyaʼal li kabʼ.

Qʼaxal oxloqʼ choʼq we ebʼ laachaqʼrabʼ

ut jwal kiʼebʼ chiru xyaʼal li kabʼ.

3. Xnawbʼal aawu naxkʼe xsahil inchʼool

ut yoʼyokin xbʼaan Laawaatin, at Yos.

Xterqʼusinkil aawu ut laakʼabʼaʼ

aʼan jwal loqʼ choʼq we, Qaawaʼ Jehobʼa.

Xterqʼusinkil aawu ut laakʼabʼaʼ

aʼan jwal loqʼ choʼq we, Qaawaʼ Jehobʼa.