BʼICH 159
Kʼe xloqʼal li Jehobʼa
(Salmo 96:8)
1. Maajun junaq joʼ laaʼat wank,
at Nimajwal Yos Jehobʼa.
Numtajenaq laarahom, Yos,
chanru tatintoj, at Qaawaʼ?
Saʼ li choxa nakʼutunk naq
nim laaloqʼlaj wankilal.
Ut anihin put laaʼin, Yos
re naq nikinaawusila?
(XYEEBʼAL WIʼ CHIK)
At Yos Jehobʼa abʼi taxaq linbʼich.
Tinnima ru laakʼabʼaʼ laaʼat Linyos,
ajaw chi junelik.
Aakʼulubʼ, Qaawaʼ, xkʼulbʼal
li loqʼal ut wankilal.
2. Xinqʼaxtesi linyuʼam, Yos
ut aawehin anaqwan.
Tinterqʼusi laakʼabʼaʼ, Yos
rikʼin xtzʼuumal we, at Qaawaʼ.
Choʼq we laaʼin jun maatan naq
nikinaakʼul joʼ laamoos.
Chinaabʼeres junelik, bʼiʼ
laaʼat linmetzʼew ut Linyos.
(XYEEBʼAL WIʼ CHIK)
At Yos Jehobʼa abʼi taxaq linbʼich.
Tinnima ru laakʼabʼaʼ laaʼat Linyos,
ajaw chi junelik.
Aakʼulubʼ, Qaawaʼ, xkʼulbʼal
li loqʼal ut wankilal.
3. Naq ninkaʼya li palaw ut
ebʼ li chahim saʼ choxa.
Sachso linchʼool ninkanaak naq
nawil laarahom yalaq bʼar.
Jwal chaqʼal ru li xaayiibʼ chaq
naxkʼutbʼesi laaloqʼal.
Relik chi yaal tatinra, Waʼ
ut tinterqʼusi laakʼabʼaʼ.
(XYEEBʼAL WIʼ CHIK)
At Yos Jehobʼa abʼi taxaq linbʼich.
Tinnima ru laakʼabʼaʼ laaʼat Linyos,
ajaw chi junelik.
Aakʼulubʼ, Qaawaʼ, xkʼulbʼal
li loqʼal ut wankilal.
Chaawil ajwiʼ Sal. 96:1-10; 148:3, 7).
