Tinqʼajq saʼ wochoch
Xkubʼsinkil:
1. Wank naq jwal ra linchʼool,
nawekʼa naq sachsokin.
Yaal naq wank jun li Yos,
abʼanan ak xinnajti wibʼ rikʼin.
Abʼan nikinxra li Jehobʼa,
aʼan naxnaw ut yook insikʼbʼal.
(XYEEBʼAL WIʼ CHIK)
Ninnaw naq Linyuwaʼ tinxtaw ut tixchap chaq li wuqʼ.
Rikʼin qʼunil chʼoolej, Linyos tinril ut tinxqʼalu.
Aʼan tinxkʼe saʼ xmolam chanchan linjunkabʼal
ut jwal sa chik tinwanq naq tinqʼajq.
2. Kaʼajwiʼ arin tintaw
li xtuqtuukilal inchʼool.
Kaʼajwiʼ arin wankebʼ
linraarokil amiiw li wechpaabʼanel.
Li Yos yoʼon wank chaatenqʼankil
wi nakaawaj sutqʼiik chaq rikʼin.
(XYEEBʼAL WIʼ CHIK)
Ninnaw naq Laayuwaʼ tatxtaw ut tixchap chaq laawuqʼ.
Kʼajoʼ li rusilal xaataw naq xatkʼanjelak chiru.
Aʼan tatxkʼe saʼ xmolam chanchan laajunkabʼal
ut jwal sa chik tatwanq saʼ qayanq.
(RUUTZʼUʼUJIL)
Saasa qachʼool naq
arin wankat!
Kʼulbʼilat!
Arin laanaʼaj,
sa qachʼool chaawilbʼal chik;
ut laaʼo laakomon.
(XYEEBʼAL WIʼ CHIK)
Li Qayuwaʼ Jehobʼa xatxtaw ut kixchap chaq laawuqʼ.
Rikʼin qʼunil chʼoolej, li Yos xatril ut xatxqʼalu.
Aʼan xatxkʼe saʼ xmolam.
Xatkʼuleʼk chik saʼ qayanq
saʼ xyaalal.
