Li Jesús ut ebʼ li xtzolom inkʼaʼ keʼxye rehebʼ laj paabʼanel naq teʼwanq malaj inkʼaʼ teʼwanq xkokʼal. Ut maakʼaʼ xraqal li Santil Hu li naxye chi tzʼaqal re ru jarubʼ xkokʼal twanq junaq li sumal. Li naʼlebʼ aʼin naxchap ribʼ rikʼin li naxye li Santil Hu: «Li junjunq saʼ qayanq tento toxchʼolobʼ li xyehom xbʼaanuhom chiru li Yos» (Romanos 14:12, Li Santil Hu, Sociedad Bíblica de Guatemala).

 Joʼkan bʼiʼ, li bʼeelomej ut li ixaqilbʼej yalebʼ re ma teʼwanq xkokʼal, joqʼe ut jarubʼ teʼwanq. Wi li bʼeelomej ut li ixaqilbʼej nekeʼraj roksinkil junaq li bʼan li nakolok chiru li kanaak saʼ yuʼam chi inkʼaʼ tixnumsi junaq li kʼuulaʼal, aʼanebʼ yalebʼ re ut saʼ xbʼeenebʼ wank li iiq aʼin. Ut maaʼani naru nawechʼok rehebʼ (Romanos 14:4, 10-13).