Heeheʼ. Ebʼ li maaʼus aj musiqʼej aʼanebʼ «li ánjel keʼmaakobʼk» ut keʼxqʼet ribʼ chiru li Yos (2 Pedro 2:4, Li Santil Hu, Sociedad Bíblica de Guatemala, SBG). Laj Tza aʼan li xbʼeen ánjel li kixkʼe ribʼ choʼq maaʼus aj musiqʼej. Li Santil Hu naxkʼabʼaʼi li «xyuwaʼilebʼ li Maaʼus aj musiqʼej» (Mateo 12:24, Li Santil Hu, Wycliffe Bible Translators, Akʼ tzʼiibʼ, 26).

Keʼxqʼet ribʼ saʼ xkutankil laj Noé

 Naq toj maajiʼ nachalk li Bʼutʼihaʼ saʼ xkutankil laj Noé, naabʼalebʼ li ánjel keʼxqʼet ribʼ chiru li Yos. Li Santil Hu naxye naq «ebʼ li ralal xkʼajol li Yos keʼril naq qʼaxal chʼinaʼusebʼ li xrabʼinebʼ li winq ut keʼxkʼamebʼ choʼq rixaqil, joʼkʼihalebʼ keʼwulak chiruhebʼ» (Génesis 6:2, SBG). Ebʼ li ánjel aʼin «keʼxkanabʼ li xnaʼajebʼ» saʼ choxa ut keʼtibʼeloʼk re naq teʼxmux ribʼ rikʼinebʼ li ixq (Judas 6, SBG).

 Naq kichalk li Bʼutʼihaʼ, ebʼ li maaʼus aj ánjel keʼxkanabʼ li xtibʼel saʼ Ruuchichʼochʼ ut keʼsutqʼiik saʼ choxa. Abʼanan, li Yos kirisihebʼ chaq saʼ li xjunkabʼal. Ut re naq teʼoq xtojbʼal rix li xmaak inkʼaʼ chik nekeʼtibʼeloʼk (Efesios 6:11, 12).