Kiwank xqʼehil naq li Yos kixkanabʼ naq li winq twanq naabʼal rixaqil (Génesis 4:19; 16:1-4; 29:18-29). Abʼan, moko li Yos ta kixxaqabʼank re aʼin. Jun ajwiʼ li ixq kixkʼe re laj Adán.

 Ak xaqabʼanbʼil chaq xbʼaan li Yos naq li winq jun ajwiʼ rixaqil twanq ut, saʼ xnumikebʼ li chihabʼ, li Yos kixkʼe xleseens li Jesukriist re naq tixxaqabʼ wiʼ chik li chaqʼrabʼ aʼin (Juan 8:28). Re xsumenkil li patzʼom chirix li sumlaak, li Jesús kixye: «Li Dios kiyobʼtesink chaq re li kristiʼaan saʼ xtiklajik, winq ut ixq naq kixyobʼtesihebʼ chaq? Joʼkan naq li winq tixkanabʼ xnaʼ xyuwaʼ ut tixlaqʼabʼ ribʼ rikʼin li rixaqil. Ut chi xkabʼichalebʼ junajaqebʼ aj chik» (Mateo 19:4, 5, Li Santil Hu, Wycliffe Bible Translators. Akʼ tzʼiibʼ).

 Moqon chik, li Yos kixmusiqʼa jun rehebʼ li xtzolom li Jesús re naq tixtzʼiibʼa: «Li junjunq chi winq chiwanq rixaqil ut li junjunq chi ixq chiwanq xbʼeelom» (1 Corintios 7:2, Li Santil Hu, Sociedad Bíblica de Guatemala). Joʼkan ajwiʼ, re naq tkʼeheʼq xkʼanjel li winq saʼ xtenamit li Yos, li Santil Hu naxye naq «jun ajwiʼ chi ixq sumsuuq wiʼ» (1 Timoteo 3:2, 12, Li Acʼ Chaqʼrab, Sociedad Biblica en Guatemala. Akʼ tzʼiibʼ).