Li Santil Hu, nawbʼil ajwiʼ ru joʼ Loqʼlaj hu, chisaʼ wank naabʼal li chaabʼil naʼlebʼ. Joʼkan naq, naxye: «Chixjunil li Santil Hu [...] musiqʼanbʼil xbʼaan li Yos» (2 Timoteo 3:16, Li Santil Hu, Sociedad Bíblica de Guatemala). Ut wank naabʼal li eetalil li naxkʼut naq yaal aʼin. Qilaq wiibʼ oxibʼ li naʼlebʼ:

•   Maaʼani junaq li poyanam li ak xkʼutbʼesi naq li Santil Hu moko naxye ta li yaal naq naʼaatinak chirix li kikʼulmank chaq.

•   Ebʼ li keʼtzʼiibʼank re li Santil Hu moko xeʼtikʼtiʼik ta, maakʼaʼ xeʼxmuq chi moko xeʼxtzʼap ta ru li xpaltilebʼ. Li xchaabʼilal ru li xnaʼlebʼebʼ kixbʼaanu naq paabʼajelaq ebʼ li raatin.

•   Xchapom ribʼ li naʼlebʼ li wank saʼ li Santil Hu chirix chanru tixterqʼusi wiʼ chik xkʼulubʼ li Yos re xjolominkil chixjunilebʼ li poyanam ut chanru ttzʼaqloq ru li rajom choʼq re li Ruuchichʼochʼ saʼ xkʼabʼaʼ li Xnimajwal Awabʼejilal.

•   Usta ak xnumeʼk naabʼal mil chihabʼ chalen naq xtzʼiibʼamank, moko natawmank ta saʼ li Santil Hu li jalpaqinbʼil ru naʼlebʼ li abʼinbʼil chaq junxil chirix li Ruuchichʼochʼ.

•   Wank wiibʼ oxibʼ eetalil chirix li kikʼulmank chaq li naxkʼut naq wank naabʼal xpropesiiy li Santil Hu li xeʼtzʼaqlok ru.