Us. Li Yos moko xikʼ ta naril naq jun winq ut jun ixq li jalanebʼ xtenamit nekeʼsumlaak. Li Santil Hu naxye: «Li Yos juntaqʼeet narilebʼ chixjunil ut sa naxkʼul [...] aʼ yaal kʼaʼ chi tenamitul yoʼlajenaqebʼ wiʼ» (Hechos 10:34, 35, Li Santil Hu, Sociedad Bíblica de Guatemala).

 Qatzʼilaq rix wiibʼ oxibʼ chik li raqal li Santil Hu li naxchap ribʼ rikʼin li naʼlebʼ aʼin.

 Chixjunilebʼ li poyanam nekeʼchalk rikʼin laj Adán ut li xʼEva, li rixaqil. Li Santil Hu naxye: «Rikʼin jun chi winq [li Yos] kixyobʼtesi chixjunilebʼ li kristian» (Hechos 17:26, Li Santil Hu, Wycliffe Bible Translators, Wy. Akʼ tzʼiibʼ). Naq kiyobʼtesiik li xʼEva kiyeemank naq aʼanaq «xnaʼebʼ chixjunil li [...] teʼyoʼlaaq» (Génesis 3:20, Wy). Joʼkan naq chiqajunilo, aʼ yaal saʼ kʼaru tenamit nokoochalk, qajunkabʼal qibʼ. Abʼan, kʼaru teʼruuq xbʼaanunkil li wankebʼ saʼebʼ li tenamit li inkʼaʼ nekeʼxkʼulubʼa li jalanebʼ xtenamit ut xwanjik?

 Usta li Yos naxkʼulubʼa naq teʼsumlaaq li jalanebʼ xtenamit, moko chixjunilebʼ ta li poyanam nekeʼxkʼulubʼa aʼin (Isaías 55:8, 9). Li yook xkʼoxlankil sumlaak rikʼin li jalan xtenamit us raj naq t-aatinaq rikʼin chirix ebʼ li naʼlebʼ aʼin:

•   Chanru teʼnaʼlebʼaq naq teʼtzʼeqtaanaaq xbʼaanebʼ li xkomon malaj li kʼalebʼaal?

•   Chanru teʼxkawresi ebʼ li xkokʼal re naq teʼruuq xnumsinkil li tzʼeqtaanaak?

 Li «nekeʼaatinak» chirix aʼin teʼruuq xtawbʼal li sahil chʼoolejil saʼebʼ li xsumlajik (Proverbios 13:10, La Biblia. Traducción del Nuevo Mundo, 2019 saʼ español; Proverbios 21:5).