Ebʼ li naʼlebʼ chirix xhuhil li Santil Hu
Saʼebʼ li kokʼ bʼideo aʼin wank li chaabʼil naʼlebʼ chirix li kikʼulmank chaq ut li naʼlebʼ chirixebʼ li xhuhil li Santil Hu. Oksi aʼin re naq twulaq chaawu rilbʼal ut xtzolbʼal li Santil Hu.
Li na’leb’ chirix li Santil Hu
K’e reetal chanru li junjunq chi tasal hu li wank sa’ li Santil Hu, na’aatinak chirix jun ajwi’ chi na’leb’: naq li X’awab’ejilal li Yos sa’ ruq’ li Jesukriist tixsantob’resi xk’ab’a’ li Jehob’a.
Li naʼlebʼ chirix li hu Génesis
Li hu Génesis naxye chanru keʼyobʼtesiik ebʼ li poyanam ut chanru kitiklaak li rahilal ut li kamk.
Li naʼlebʼ chirix li hu Éxodo
Li Jehobʼa naxkol li xtenamit saʼ Egipto ut kixxaqabʼ joʼ xtenamit li qʼaxtesinbʼil chiru.
Li naʼlebʼ chirix li hu Levítico
Il chanru li hu Levítico naʼaatinak chirix li xsantilal li Yos ut kʼaʼut jwal wank xwankil naq santaqo ajwiʼ laaʼo.
Li na’leb’ chirix li hu Números
Il k’a’ut junelik wank xwankil xpaab’ankil li Jehob’a ut roxloq’inkil li xaqab’anb’ileb’ xb’aan re xb’eresinkil li xtenamit.
Li na’leb’ chirix li hu Deuteronomio
Il chanru li Chaq’rab’ li kixk’e li Jehob’a reheb’ laj Israel naxk’utb’esi li xnimal xrahom chirixeb’.
Li naʼlebʼ chirix li hu Josué
Il chanru eb’ laj Israel ke’rechani ut ke’xjek’i li ch’och’ k’eb’il reheb’ xb’aan li Yos.
Li naʼlebʼ chirix li hu Jueces
Saʼ li hu aʼin wank xkʼabʼaʼebʼ li winq li kawebʼ xpaabʼal, li kiroksi li Yos re xkolbʼal li tenamit Israel chiruhebʼ li nekeʼrahobʼtesink re.
Li na’leb’ chirix li hu Rut
Li hu a’in na’aatinak chirix li xrahom jun li malka’an saaj chiru li na’alib’om re ut chanru li Jehob’a kixq’ajkamuheb’.
Li na’leb’ chirix li hu 1 Samuel
Chaawil chanru kijalaak li xwanjik li tenamit Israel chalen chaq sa’ xkutankileb’ laj raqol aatin toj sa’ xkutankileb’ li awab’ej.
Li na’leb’ chirix li hu 2 Samuel
K’e reetal chanru li kub’sink ib’ ut li paab’al kixb’aanu naq laj David a’anaq jun reheb’ li jwal raaro ut li nawb’il ru sa’ li Santil Hu.
Li na’leb’ chirix li hu 1 Reyes
Chaanaw chirix li xwankilal li tenamit Israel rub’el li x’awab’ejilal laj Salomón ut li ch’a’ajkilal li ke’xk’am chaq eb’ li awab’ej re Judá ut Israel.
Li na’leb’ chirix li hu 2 Reyes
K’e reetal chanru nanumtaak li xloq’oninkil li pech’b’il yos sa’ li teep b’arwi’ na’elk li iq’ aran Israel, ab’an li Jehob’a narosob’tesiheb’ li neke’loq’onink re chi anchal xch’ool.
Li na’leb’ chirix li hu 1 Crónicas
K’e reetal chixjunil li kixk’ul laj David sa’ li xyu’am, chalen naq ki’ok jo’ awab’ej toj reetal kikamk.
Li na’leb’ chirix li hu 2 Crónicas
Chaawil chanru naq li kik’ulmank rik’ineb’ li awab’ej re Judá, naxk’ut naq aajel ru naq tiikaq qach’ool chiru li Yos.
Li naʼlebʼ chirix li hu Esdras
Li Jehobʼa naxbʼaanu li naxye: kirisi li xtenamit chi preexil aran Babilonia ut kixwaklesi wiʼ chik li tzʼaqal paabʼal aran Jerusalen.
Li naʼlebʼ chirix li hu Nehemias
Saʼ li hu Nehemias wank chaabʼil naʼlebʼ choʼq rehebʼ li xmoos li Yos saʼebʼ li qakutan.
Li naʼlebʼ chirix li hu Ester
Li rahilal li kikʼulmank saʼ xkutankil li xʼEster tixkawresi laapaabʼal chi rilbʼal naq li Jehobʼa naxnaw xkolbʼal li xtenamit saʼebʼ li qakutan.
Li naʼlebʼ chirix li hu Job
Ebʼ li nekeʼrahok re li Jehobʼa teʼyaleʼq rix. Li kixkʼul laj Job naxkʼut naq tooruuq chi wank saʼ tiikilal chiru li Yos ut xkolbʼal li xkʼulubʼ chi awabʼejink.
Li naʼlebʼ chirix li hu Salmos
Li hu Salmos naxkʼe xloqʼal li Xʼawabʼejilal li Jehobʼa, naxtenqʼa ut naxkʼojobʼ xchʼool ebʼ li nekeʼrahok re, ut naxkʼut chanru troksi li Xʼawabʼejilal re xchʼinaʼusinkil li Ruuchichʼochʼ.
Li naʼlebʼ chirix li hu Proverbios
Sikʼ li naʼlebʼ li naxkʼe qe li Yos li tooxtenqʼa saʼ chixjunil li qayuʼam: joʼ chirix li yakok joʼ ajwiʼ chirix li qajunkabʼal.
Li naʼlebʼ chirix li hu Eclesiastes
Li hu Eclesiastes naxkʼut li naʼlebʼ li wank tzʼaqal xwankil saʼ li qayuʼam ut naxjal rikʼin li naxtzʼeqtaana li xnaʼlebʼ li Yos.
Li naʼlebʼ chirix li hu El Cantar de los Cantares
Kʼaʼut naq li xrahom li xSulamita ut laj kʼaakʼalenel chanchan «li xam li nachalk rikʼin li Yos»?
Li naʼlebʼ chirix li hu Isaias
Li esil li naxkʼe li tasal hu Isaias paabʼajel ut naxkawresi li qapaabʼal chirix li Jehobʼa naq junelik natzʼaqlok ru li xyeechiʼom ut naxkolebʼ li nekeʼkʼanjelak chiru.
Li naʼlebʼ chirix li hu Jeremias
Laj Jeremias kixbʼaanu chi tzʼaqal re ru li xkʼanjel usta kixkʼul ebʼ li chʼaʼajkilal. Kʼoxla chanru naq aʼin naxtenqʼahebʼ laj paabʼanel saʼebʼ li qakutan.
Li naʼlebʼ chirix li hu Lamentaciones
Laj Jeremias kixtzʼiibʼa li hu aʼin, naxye chirix li rahilal naq kisacheʼk Jerusalen, naxkʼut naq li yoʼtʼik chʼoolej naxkʼam chaq li ruxtaan li Yos.
Li naʼlebʼ chirix li hu Ezequiel
Laj Ezequiel kixkubʼsi xwankil ut kaw xchʼool naq kixbʼaanu yalaq kʼaru kʼanjel kʼebʼil re xbʼaan li Yos, usta chʼaʼajkaq. Li reetalil nokooxtenqʼa anaqwan.
Li naʼlebʼ chirix li hu Daniel
Laj Daniel ut ebʼ li ramiiw inkʼaʼ keʼxtzʼeqtaana li Jehobʼa naq keʼyaleʼk rix li xpaabʼal. Li eetalil li keʼxkʼe ut xtzʼaqlojik li propesiiy nokooxtenqʼa saʼ rosoʼjikebʼ li kutan.
Li naʼlebʼ chirix li hu Oseas
Saʼ li propesiiy re Oseas wank chaabʼil naʼlebʼ chirix li ruxtaan li Yos choʼq rehebʼ laj maak li nekeʼxyotʼ xchʼool ut chirix li loqʼonink li naxkʼulubʼa.
Li naʼlebʼ chirix li hu Joel
Laj Joel kixye chaq naq nachʼ wank xkutankil li Jehobʼa ut kixye ajwiʼ kʼaru tooxtenqʼa re naq tookoleʼq. Li xpropesiiy wank tzʼaqal xwankil saʼebʼ li qakutan.
Li naʼlebʼ chirix li hu Amos
Li Jehobʼa kiroksi li winq aʼin li kubʼenaq xwankil re xbʼaanunkil jun li nimla kʼanjel. Kʼaru li chaabʼil naʼlebʼ naqatzol chirix laj Amos?
Li naʼlebʼ chirix li hu Abdias
Aʼin li hu li jwal kachʼin chiruhebʼ li keʼtzʼiibʼamank chaq saʼ Hebreo. Naxkʼe qoybʼenihom ut naxye naq kaʼajwiʼ li Jehobʼa wank xkʼulubʼ chi awabʼejink.
Li naʼlebʼ chirix li hu Jonas
Li propeet naxkʼulubʼa li xqʼusbʼal ut naxbʼaanu li xkʼanjel, naxtzol jun chaabʼil naʼlebʼ rikʼin li Yos chirix li tzʼaqal rahok ut li toqʼobʼank u. Li kixkʼul saʼ li xyuʼam twulaq saʼ laachʼool.
Li naʼlebʼ chirix li hu Miqueas
Li propesiiy aʼin li chalenaq rikʼin li Yos naru naxkawresi li qapaabʼal naq chixjunil li naxpatzʼ qe li Jehobʼa chaabʼil ut moko chʼaʼaj ta xbʼaanunkil.
Li naʼlebʼ chirix li hu Nahum
Li xpropesiiy laj Nahum naxkawresi qachʼool naq li raatin li Jehobʼa junelik natzʼaqlok ru ut naxkʼojobʼebʼ xchʼool li nekeʼxsikʼ li tuqtuukilal ut li kolbʼa ibʼ li tixkʼam chaq li Xʼawabʼejilal.
Li naʼlebʼ chirix li hu Habacuc
Chʼolchʼo chiqu naq li Jehobʼa naxnaw bʼar wank tzʼaqal li hoonal re xkolbʼal li xtenamit ut chanru tixbʼaanu re naq us t-elq.
Li naʼlebʼ chirix li hu Sofonias
Kʼaʼut naq moko us ta naq tqakʼoxla naq li xkutankil li Jehobʼa maajunwa tkʼulunq?
Li naʼlebʼ chirix li hu Ageo
Li propesiiy aʼin naxchʼolobʼ naq aajel ru xsikʼbʼal xbʼeenwa li xkʼanjel li Jehobʼa ut inkʼaʼ li naqaj.
Li naʼlebʼ chirix li hu Zacarias
Li Yos kiroksi chaq ebʼ li propesiiy ut ebʼ li moy u re xkawresinkil xchʼool ebʼ li xmoos. Anaqwan, ebʼ li propesiiy aʼin nekeʼxkʼut chiqu naq li Jehobʼa yook qatenqʼankil.
Li naʼlebʼ chirix li hu Malaquias
Li propesiiy aʼin naxye naq li xnaʼlebʼ li Yos maajunwa najalaak ut aʼan Xyosil li rahok ut li uxtaanank u. Naxkʼe ajwiʼ qanaʼlebʼ choʼq rehebʼ li qakutan.
Li naʼlebʼ chirix li hu Mateo
Taataw xsahil aachʼool naq taatzol wiibʼ oxibʼ li naʼlebʼ chirix li hu Mateo, li xbʼeen tasal hu li nawbʼil ru joʼ Chaabʼil esil.
Li naʼlebʼ chirix li hu Marcos
Li hu Marcos aʼan li jwal kachʼin chiru li kaahibʼ chi evangelio ut naʼaatinak bʼayaq chirix li tixbʼaanu li Jesukriist joʼ Awabʼej saʼ li Xʼawabʼejilal li Yos.
Li naʼlebʼ chirix li hu Lucas
Kʼaru li naʼlebʼ nayeemank kaʼajwiʼ saʼ li hu Lucas?
Li naʼlebʼ chirix li hu Juan
Li hu Juan naxkʼutbʼesi li xrahom li Jesus chirixebʼ li poyanam, li reetalil chirix li kubʼsink ibʼ ut li xkʼanjel joʼ li Sikʼbʼil Ru, li t-awabʼejinq saʼ Xʼawabʼejilal li Yos.
Li naʼlebʼ chirix li hu Hechos
Ebʼ li xbʼeen aj paabʼanel keʼxkʼe xchʼool re xkʼebʼalebʼ li qas qiitzʼin choʼq xtzolom li Jesus ut keʼxbʼaanu toj saʼ xmaril li Ruuchichʼochʼ. Xtzolbʼal li hu Hechos tatxtenqʼa chi puktesink chi sa saʼ laachʼool.
Li naʼlebʼ chirix li hu Romanos
Naxchʼolobʼ naq li Jehobʼa juntaqʼeet narilebʼ chixjunil ut naq wank xwankil xpaabʼankil li Jesus.
Li naʼlebʼ chirix li hu 1 Corintios
Li hu aʼin li kixtzʼiibʼa li Apostol Pablo naʼaatinak chirix li junajil, li muxuk ibʼ, li rahok ut xpaabʼankil li waklijik chi yoʼyo.
Li naʼlebʼ chirix li hu 2 Corintios
Li Jehobʼa, laj kʼojobʼanel chʼoolej, naxkawresi ut naxtenqʼa ebʼ li xmoos.
Li naʼlebʼ chirix li hu Galatas
Li kixtzʼiibʼa laj Pablo choʼq rehebʼ laj Galatas qʼaxal nokooxtenqʼa saʼebʼ li qakutan. Naxtenqʼa ajwiʼ ebʼ laj paabʼanel re naq inkʼaʼ teʼxtzʼeqtaana li Yos.
Li naʼlebʼ chirix li hu Efesios
Li hu aʼin li musiqʼanbʼil xbʼaan li Yos naʼaatinak chirix li tixbʼaanu li Jehobʼa, li tuqtuukilal ut li junajil li tchalq saʼ xkʼabʼaʼ li Jesukriist.
Li naʼlebʼ chirix li hu Filipenses
Wi inkʼaʼ nokooxuwak chiru li rahobʼtesiik, tooruuq xkawresinkilebʼ li junchʼol re naq teʼxbʼaanu ajwiʼ aʼin.
Li naʼlebʼ chirix li hu Colosenses
Tqasahobʼresi xchʼool li Jehobʼa wi naqayuʼami li naqatzol, wi nokookuyuk maak chiqibʼil qibʼ ut wi naqakʼe saʼ qu li xʼawabʼejilal ut li xwankilal li Jesus.
Li naʼlebʼ chirix li hu 1 Tesalonicenses
Aajel ajwiʼ naq ajʼajaq qu saʼ li qapaabʼal, tqatzʼil rix chixjunil, junelik tootijoq ut tqawaklesi qachʼool chiqibʼil qibʼ.
Li naʼlebʼ chirix li hu 2 Tesalonicenses
Laj Pablo naxtuqubʼ ru li naʼlebʼ chirix xkutankil li Jehobʼa, ut naxtenqʼahebʼ li hermaan re naq xaqxoqebʼ chi kaw saʼebʼ li xpaabʼal.
Li naʼlebʼ chirix li hu 1 Timoteo
Laj Pablo kixtzʼiibʼa 1 Timoteo re xxaqabʼankil chanru tbʼeresimanq ebʼ li chʼuut ut naxkʼe li naʼlebʼ chirix li bʼalaqʼil kʼutum ut xrahinkil ru li tumin.
Li naʼlebʼ chirix li hu 2 Timoteo
Laj Pablo naxkawresi xchʼool laj Timoteo re naq tixbʼaanu chi tzʼaqal re ru xkʼanjel li Yos.
Li naʼlebʼ chirix li hu Tito
Li hu Tito naʼaatinak chirix ebʼ li xchʼaʼajkilal ebʼ li chʼuut re Creta ut kʼaru li xnaʼlebʼ li Yos tento teʼxyuʼami ebʼ li cheekel winq.
Li naʼlebʼ chirix li hu Filemon
Usta kachʼin li esilhu aʼin, wank xwankil xbʼaan naq chisaʼ wank li naʼlebʼ li tento xyuʼaminkil joʼ li kubʼsink ibʼ, li usilal ut li kuyuk maak.
Li naʼlebʼ chirix li hu Hebreos
Li xxeʼil li tzʼaqal loqʼonink qʼaxal nim chiru li rochoch li Yos li yal yiibʼanbʼil rikʼin uqʼej ut li mayej xul.
Li naʼlebʼ chirix li hu Santiago
Laj Santiago naroksi ebʼ li eetalil li nekeʼkʼehok chi kʼoxlak re xkʼutbʼal li naʼlebʼ li naxkʼe li Santil Hu.
Li naʼlebʼ chirix li hu 1 Pedro
Li xbʼeen xhu laj Pedro naxwaklesi qachʼool re kʼanjelak ut xqʼaxtesinkil re li Yos li naʼok wiʼ qakaʼuxl.
Li naʼlebʼ chirix li hu 2 Pedro
Li xkabʼ xhu laj Pedro naxwaklesi qachʼool re naq inkʼaʼ tqatzʼeqtaana li Yos naq toj yooko roybʼeninkil li akʼ choxa ut akʼ chʼochʼ.
Li naʼlebʼ chirix li hu 1 Juan
Li xhu laj Juan naxye qe chirix ebʼ laj tzʼeqtaanahom re li Kriist ut nookoxtenqʼa chi rilbʼal kʼaru tqara ut li inkʼaʼ us xraabʼal.
Li naʼlebʼ chirix li hu 2 Juan
Li xkabʼ hu Juan naxjultika qe naq inkʼaʼ tqatzʼeqtaana li yaal ut tqakol qibʼ chiruhebʼ laj bʼalaqʼ.
Li naʼlebʼ chirix li hu 3 Juan
Li rox hu Juan naxkʼut jun chaqʼalil ru naʼlebʼ chirix li kʼuluk chiʼus joʼ tzʼaqal aj paabʼanel.
Li naʼlebʼ chirix li hu Judas
Laj Judas naxkutanobʼresi li xbʼalaqʼil naʼlebʼ li nekeʼxyal xbʼalaqʼinkil ut xjukʼbʼal li chʼuut.
Li naʼlebʼ chirix li hu Apocalipsis
Ebʼ li moy u li wank saʼ Apocalipsis naxchʼolobʼ naq li Xʼawabʼejilal li Yos tixbʼaanu naq ttzʼaqloq ru li naraj choʼq re li winq ut li Ruuchichʼochʼ.
Maare twulaq ajwiʼ chaawu
JALAN CHIK LI HU
Li Santil Hu ut li naʼlebʼ li wank chisaʼ
Bʼar wank xjolomil li naʼlebʼ li naxkʼut li Santil Hu?