Ebʼ laj Testiiw nekeʼxyuʼami li naxye li Santil Hu chirix li sumlaak ut xraqbʼal li sumlajik. Li Yos kixaqabʼank re li sumlajik joʼkan naq naraj naq li sumsukebʼ teʼwanq chiribʼilebʼ ribʼ chi junelik. Li Yos naxkʼulubʼa naq junaq tixraq li xsumlajik wi jun rehebʼ li sumsukebʼ tixmux li xsumlajik (Mateo 19:5, 6, 9).

 Joʼkan tzʼaqal. Aʼin wiibʼ oxibʼ li tenqʼ li wank:

•   Ebʼ li tasal hu. Saʼebʼ li qatasal hu wank li naʼlebʼ li naxtenqʼa li sumsukebʼ, joʼkan ajwiʼ naxtenqʼahebʼ li nekeʼxkʼoxla naq maakʼaʼ chik nekeʼruuk xbʼaanunkil rikʼin li xsumlajikebʼ. Chaawil ebʼ li tzolom «Kaʼajwiʼ laasumʼaatin taara», «Chanru xtuqubʼankil ebʼ li chʼaʼajkilal» ut «Chanru teʼxtaw li sahil chʼoolejil ebʼ li junkabʼal?».

•   Ebʼ li chʼutam. Saʼebʼ li qachʼutam ut ebʼ li nimla chʼutam natzʼilmank rix ebʼ li naʼlebʼ li naxye li Santil Hu chirix li sumlaak.

•   Ebʼ li cheekel winq. Ebʼ li cheekel winq saʼ li chʼuut nekeʼxtenqʼahebʼ li sumsukebʼ abʼan nekeʼroksi ebʼ li xraqal li Santil Hu joʼ Efesios 5:22-25.

 Inkʼaʼ. Ebʼ li cheekel winq yal kaʼajwiʼ nekeʼxtenqʼa li sumsukebʼ rikʼinebʼ li xchʼaʼajkilal ut moko wankebʼ ta xwankil re xyeebʼal rehebʼ kʼaru teʼxbʼaanu (Gálatas 6:5). Abʼan wi wank junaq naxraq li xsumlajik ut moko naxchap ta ribʼ rikʼin li naxye li Santil Hu moko truuq ta chik chi sumlaak (1 Timoteo 3:1, 5, 12).

 Li Santil Hu naxye naq li sumsukebʼ inkʼaʼ teʼxjachebʼ ribʼ usta wankebʼ li xchʼaʼajkilal (1 Corintios 7:10-16). Naru nekeʼxtuqubʼ ru ebʼ li xchʼaʼajkilal wi nekeʼtijok, nekeʼxyuʼami li naxye li Santil Hu ut nekeʼxra ribʼ chiribʼilebʼ ribʼ (1 Corintios 13:4-8; Gálatas 5:22).

 Abʼan wank wiibʼ oxibʼ laj paabʼanel nekeʼxkanabʼ li xsumlajik xbʼaan ebʼ li chʼaʼajkilal aʼin:

•   Inkʼaʼ nachʼolaniik li xjunkabʼal (1 Timoteo 5:8).

•   Nasakʼeʼk (Salmo 11:5).

•   Wank saʼ xiwxiwal li xpaabʼal. Jun eetalil, maare li ixaqilbʼej malaj li bʼeelomej li maawaʼ aj Testiiw tixyal xpuʼersinkil li rixaqil malaj li xbʼeelom re xqʼetbʼal li xchaqʼrabʼ li Yos. Laj paabʼanel li wank saʼ xiwxiwal li xpaabʼal maare tixkʼoxla naq kaʼajwiʼ truuq xpaabʼankil li Yos «ut inkʼaʼ ebʼ li winq» wi tixjach li xsumlajik (Hechos 5:29).