Chanru kʼubʼkʼu ebʼ li chʼuut rehebʼ laj testiiw re li Jehobʼa?
Saʼ li junjunq chi chʼuut xaqabʼanbʼil jun siir li cheekel winq re rilbʼal li chʼuut. Ebʼ li chʼuut kʼebʼilebʼ chi teep. Saʼ li junjunq chi teep wank tana junmay li chʼuut. Ut li cheekel winq li naʼulaʼanink chʼuut xaqabʼanbʼil re rilbʼal li junjunq chi teep wiibʼ sut chiru li chihabʼ.
Saʼ li nimla molam re Warwick (Nueva York) Estados Unidos wank jun chʼuut li cheekel winq Li Nekeʼjolomink re Xmolam li Jehobʼa. Ebʼ li cheekel winq aʼin nekeʼxbʼeresi ut nekeʼxtaqla chaq li naʼlebʼ chirix li Santil Hu choʼq rehebʼ laj testiiw re li Jehobʼa saʼ chixjunil li Ruuchichʼochʼ. Chixjunilebʼ li cheekel winq aʼin junxil nekeʼok choʼq aj Testiiw (Hechos 15:23-29; 1 Timoteo 3:1-7).