Inkʼaʼ, moko juntaqʼeetebʼ ta. Ebʼ laj testiiw re li Jehobʼa nekeʼxtaqe li Kriist ut chixjunil li nekeʼxpaabʼ isinbʼil chaq saʼ li Santil Hu. Usta wankebʼ li paabʼal nekeʼxkʼut naq wank ebʼ li propesiiy chirix li Santil Hu li naxye naq ebʼ laj judiiy teʼxjunaji wiʼ chik ribʼ saʼ li naʼaj Palestina, abʼan, ebʼ laj testiiw re li Jehobʼa inkʼaʼ nekeʼxpaabʼ aʼin. Chi moko nekeʼxpaabʼ naq li Santil Hu ak kixye chaq naq ebʼ li awabʼej teʼbʼaanunq re aʼin. Joʼkan ajwiʼ, li Santil Hu inkʼaʼ naxye naq tento txaqabʼaaq ebʼ li xʼawabʼejilal li winq chi moko naxnima ta ru junaq li teep malaj tenamit chiruhebʼ li junchʼol. Li hu Laj Kʼaakʼalehom li kʼubʼanbʼil xbʼaanebʼ laj testiiw re li Jehobʼa, kixye chi tzʼaqal re ru naq «li rajomebʼ li awabʼej chirixebʼ laj judiiy moko chalenaq ta saʼ li Santil Hu».

Li Encyclopædia Britannica naxye naq «ebʼ li awabʼej nekeʼraj xkʼubʼankil ut xtenqʼankil li tenamit re naq ebʼ laj judiiy teʼruuq rechaninkil li tenamit Palestina». Li kʼaʼuxej aʼin chalenaq saʼebʼ li xpaabʼal ut saʼ xnaʼlebʼebʼ li awabʼejilal. Ebʼ laj testiiw re li Jehobʼa inkʼaʼ nekeʼokenk chirix li nekeʼxpaabʼ ebʼ laj judiiy chi moko saʼebʼ li naʼlebʼ li nekeʼxye ebʼ li awabʼej chirixebʼ laj judiiy.

Li xmolam ebʼ laj testiiw re li Jehobʼa naxkʼe xchʼool kaʼajwiʼ chirix li Yos ut inkʼaʼ naʼokenk saʼ xkʼaʼuxebʼ li awabʼejilal chi moko li nekeʼxye ebʼ laj judiiy. Nawbʼilebʼ ru naq inkʼaʼ nekeʼtzʼaqonk saʼ xnaʼlebʼ li awabʼejilal, ut saʼ xkʼabʼaʼ aʼin nekeʼxkʼul li nimla rahilal saʼ ruqʼ wiibʼ oxibʼ li tenamit. Chʼolchʼo chiruhebʼ naq li tzʼaqal tuqtuukilal moko tchalq ta saʼ ruqʼ li xʼawabʼejilal li winq. Jun ajwiʼ li awabʼejilal li truuq xbʼaanunkil aʼin ut aʼan li Xʼawabʼejilal li Yos li wank saʼ choxa.

Jun rehebʼ li naʼlebʼ li nekeʼxyuʼami ebʼ laj testiiw re li Jehobʼa chirix li Santil Hu aʼan xpaabʼankil li chaqʼrabʼ li nekeʼxkʼe ebʼ li nekeʼtaqlank saʼ tenamit, ut chixjunilebʼ laj Testiiw nekeʼxpaabʼ aʼin, maakʼaʼ naxye saʼ kʼaru tenamit wankebʼ. Maaʼani rehebʼ laj Testiiw nekeʼxqʼet ribʼ chiruhebʼ li nekeʼtaqlank saʼ tenamit chi moko nekeʼokenk saʼebʼ li yalok u.