Heeheʼ, naqataqe li Kriist. Qilaq wiibʼ oxibʼ li naʼlebʼ chirix aʼin:

• Naqakʼe qaqʼe chi xtaqenkil li xnums li Jesukriist ut xyuʼaminkil li xkʼutum (1 Pedro 2:21).

• Naqapaabʼ naq kaʼajwiʼ chirix li Jesús tooruuq xtawbʼal li qakolbʼal, xbʼaan naq «maakʼaʼ chik junaq kʼabʼaʼej rubʼel choxa kʼeebʼil qe choʼq aj Kolonel» (Hechos 4:12, Li Santil Hu, Sociedad Bíblica de Guatemala).

• Naq nokooʼok choʼq aj testiiw re li Jehobʼa nakubʼeek qahaʼ saʼ xkʼabʼaʼ li Jesús (Mateo 28:18, 19).

• Nokootijok saʼ xkʼabʼaʼ li Jesús (Juan 15:16).

• Naqapaabʼ naq li Jesús aʼan li xjolomil li winq (1 Corintios 11:3).

Abʼanan, wankebʼ li naʼlebʼ li naxkʼut naq jalano chiruhebʼ li junchʼol chi chʼuut li nekeʼxye naq nekeʼxtaqe li Kriist. Jun li eetalil, ak xqataw ru naq li Santil Hu naxkʼut naq li Jesús aʼan Ralal li Yos ut naq li Yos moko oxibʼ ta ru (Marcos 12:29). Joʼkan ajwiʼ, inkʼaʼ naqapaabʼ naq toj wank nakanaak chi yoʼyo naq nakamk junaq li poyanam chi moko naq li Santil Hu naxkʼut naq li Yos naxrahobʼtesi chi junelik ebʼ li poyanam saʼ bʼalbʼa chi moko naq ebʼ laj kʼamolbʼe saʼebʼ li paabʼal teʼwanq ruuchil xkʼabʼaʼ re naq teʼnimaaq xwankil (Eclesiastés 9:5; Ezequiel 18:4; Mateo 23:8-10).