Heeheʼ. Chixjunilebʼ laj testiiw re li Jehobʼa, maakʼaʼ naxye saʼ kʼaru tenamit wankebʼ, junelik yookebʼ xwotzbʼal li chaabʼil esil rehebʼ li qas qiitzʼin. Ut nekeʼxkʼe li xhoonal re puktesink malaj re xkʼebʼal chi naweʼk li yaal li wank saʼ li Santil Hu (Mateo 28:19, 20).

Wankebʼ laj Testiiw nekeʼxik chi puktesink malaj nekeʼqʼaxonk saʼ jalan chik li teep bʼarwiʼ naabʼalebʼ toj maajiʼ nekeʼrabʼi li Raatin li Yos. Wankebʼ ajwiʼ nekeʼqʼaxonk saʼ jalan chik tenamit. Chixjunilebʼ laj Testiiw aʼin, saʼebʼ saʼ xchʼool chi tzʼaqonk chirix li xpropesiiy li Jesús: «Laaʼexaq aj yehol yaal chiwix [...] toj saʼ xmaril li ruuchichʼochʼ» (Hechos 1:8, Li Santil Hu, Sociedad Bíblica de Guatemala).

Saʼ 1943, kixaqabʼamank jun li tzolok re xkawresinkil wiibʼ oxibʼ aj Testiiw. Li tzolok aʼin naxkʼabʼaʼi Galaad Watchtower. Ut chalen aʼan, numenaq waqxaqibʼ mil aj Testiiw ak xeʼwulak saʼ li tzolok aʼin.