Ma ak sikʼbʼil ru xbʼaanebʼ laj Testiiw ebʼ li bʼideo, ebʼ li bʼich malaj ebʼ li hu li inkʼaʼ us rilbʼal?
Inkʼaʼ. Li qamolam inkʼaʼ naxsikʼ ru ebʼ li bʼideo, ebʼ li hu malaj ebʼ li bʼich li inkʼaʼ naru rilbʼal malaj rabʼinkil. Kʼaʼut?
Li Santil Hu naxye naq chiqajunilo tento tqakʼaytesi li qakʼaʼuxl re naq tixnaw rilbʼal bʼar wank li us ut li inkʼaʼ us (Hebreos 5:14).
Saʼ li Santil Hu wank ebʼ li chaabʼil naʼlebʼ li nokooxtenqʼa chi xsikʼbʼal chiʼus chanru tqajsi qu. a Joʼ naqabʼaanu saʼ jalan chik naʼlebʼ, junelik naqaj xbʼaanunkil li us. Li Santil Hu naxye: «Kʼehomaq reetal kʼaru nawulak chiru li Qaawaʼ» (Efesios 5:10, Li Santil Hu, Sociedad Bíblica de Guatemala).
Ebʼ li nekeʼjolomink re li junkabʼal kʼebʼilebʼ xwankil xbʼaan li Yos joʼkan naq aʼanebʼ wankebʼ xkʼulubʼ chi xyeebʼal rehebʼ li xkokʼal li inkʼaʼ us rilbʼal (1 Corintios 11:3; Efesios 6:1-4). Abʼan, saʼ li chʼuut maaʼani wank xwankil re xyeebʼal naq inkʼaʼ us junaq li bʼideo, li bʼich malaj junaq li poyanam li nawno ru chiʼus chi moko xyeebʼal kʼaru tento xbʼaanunkil (Gálatas 6:5).
a Jun eetalil, li Santil Hu naxye naq tqatzʼeqtaana ebʼ li xnaʼlebʼ li maaʼus aj musiqʼej, li muxuk ibʼ ut li raaxiikʼ; chixjunil li naxkʼam chaq aʼin moko us ta (Deuteronomio 18:10-13; Efesios 5:3; Colosenses 3:8).
Maare twulaq ajwiʼ chaawu
LI JUCHʼBʼIL EETALIL
Li bʼatzʼunk saʼebʼ li kʼanjelobʼaal chʼiichʼ: Ani yook chi elk chiʼubʼej?
Li bʼatzʼunk saʼebʼ li kʼanjelobʼaal chʼiichʼ narajsi qu, abʼan naru ajwiʼ tooxkʼe saʼ xiwxiwal. Kʼaru taabʼaanu re naq inkʼaʼ taakʼul aʼin ut tat-elq chiʼubʼej saʼ laayuʼam?
