Heeheʼ. Ebʼ laj testiiw re li Jehobʼa nekeʼxik rikʼin laj bʼanonel ut nekeʼrukʼ li bʼan. Usta nekeʼril ribʼ chiʼus re naq inkʼaʼ teʼyajerq, wank sut naʼajmank naq teʼxik rikʼin laj bʼanonel (Lucas 5:31). Joʼkan bʼiʼ, wankebʼ aj Testiiw li nekeʼkʼanjelak choʼq aj bʼanonel, joʼ laj Lucas li kixtaqe li Kriist saʼ xkutankilebʼ li apóstol (Colosenses 4:14).

Ebʼ laj testiiw re li Jehobʼa inkʼaʼ nekeʼxkʼulubʼa li bʼaneʼk wi naxqʼet li naʼlebʼ li naxkʼe li Santil Hu. Jun eetalil, li Santil Hu naxye naq inkʼaʼ tqoksi li kikʼ joʼkan naq inkʼaʼ naqakʼulubʼa naq teʼxkʼe li kikʼ saʼ qichʼmul (Hechos 15:20). Joʼkan ajwiʼ, li Santil Hu inkʼaʼ naxkʼulubʼa li bʼaneʼk wi t-oksimanq li xnaʼlebʼebʼ li maaʼus aj musiqʼej joʼ li qʼehink ut li tuulak (Gálatas 5:19-21).

Abʼanan, li xkʼihalil li bʼaneʼk moko naxqʼet ta li Santil Hu, joʼkan naq ebʼ laj Testiiw tento teʼxkʼoxla chixjunqalebʼ kʼaru teʼxbʼaanu. Maare li bʼaneʼk li tixkʼulubʼa li jun, inkʼaʼ tixkʼulubʼa li jun chik (Gálatas 6:5).