Li aatin griego li kiʼoksimank saʼ xtiklajik saʼ li Santil Hu ut li kijalmank ru choʼq «iklees», maawaʼ jun li naʼaj bʼarwiʼ naʼuxk chʼutlaak aʼanebʼ bʼan laj paabʼanel.

Jun eetalil chirix aʼin, naq li apóstol Pablo kixtzʼiibʼahebʼ laj paabʼanel re Roma, kixtaqla xsahil xchʼool jun li sumal aʼ laj Áquila ut xPriscila, ut kixye ajwiʼ: «Chekʼe [...] xsahil xchʼool li Iklees li naxchʼutubʼ ribʼ saʼ rochoch lix Priska ut laj Akila» (Romanos 16:5, Li Santil Hu, Sociedad Bíblica de Guatemala). Aʼin naxkʼut chiqu naq laj Pablo yook xtaqlankil xsahil xchʼool ebʼ li poyanam li nekeʼxchʼutubʼ ribʼ saʼ rochoch li sumal aʼin. a

Joʼkan naq inkʼaʼ naqakʼabʼaʼi iklees li naʼaj bʼarwiʼ nokooloqʼonink, naqakʼabʼaʼi bʼan Chʼutlebʼaal Kabʼl.

Wank wiibʼ oxibʼ xyaalal kʼaʼut xkʼulubʼ li kʼabʼaʼej aʼin. Qilaq:

• Li naʼaj aʼin nim xsaʼ ut nakʼanjelak re chʼutlaak.

• Naqachʼutubʼ qibʼ re xkʼebʼal xloqʼal li Jehobʼa, li Yos li naʼaatinak wiʼ li Santil Hu, ut re xkʼebʼal chi naweʼk li yaal chirix aʼan (Salmo 83:18; Isaías 43:12).

• Naqachʼutubʼ ajwiʼ qibʼ re xtzolbʼal xkomon chirix li Xʼawabʼejilal li Yos chirix li kiʼaatinak wiʼ li Jesús (Mateo 6:9, 10; 24:14; Lucas 4:43).

Naqaj naq taawulaʼani junaq li Chʼutlebʼaal Kabʼl li nachʼ wank rikʼin laawochoch re xnawbʼal chanru nekeʼxbʼaanu ebʼ li xchʼutam ebʼ laj testiiw re li Jehobʼa.