AJSI AAWU! Ajl 2, 2019 | Waqibʼ li tzolom li tento teʼxtzol li kokʼal
Waqibʼ li tzolom li tento teʼxtzol li kokʼal
Kʼaru li chaabʼil naʼlebʼ twulaq raj chaawu naq tixyuʼami laayum malaj laakoʼ naq ttzʼaqloq xchihabʼ?
Kuyuk ibʼ
Kubʼsink ibʼ
Xtawbʼal li sahil chʼoolejil usta wank li chʼaʼajkilal
Xbʼaanunkil li nayeemank qe
Li naʼlebʼ li nekeʼxkʼe li xikenaqebʼ xchihabʼ
Li naʼlebʼ li nabʼeresink yuʼam
Ebʼ laakokʼal inkʼaʼ teʼxtzol xjunes ebʼ li chaabʼil naʼlebʼ aʼin. Aajel ru naq taatenqʼahebʼ.
Li hu aʼin naxtzʼil rix waqibʼ li tzolom li tento teʼxtzol li kokʼal, ebʼ li naʼlebʼ aʼin tkawresinq rehebʼ toj reetal naq tooxeʼnimanq.
Li kuyuk ibʼ
Kʼaʼut wank xwankil li kuyuk ibʼ, ut chanru natawmank?
Li kubʼsink ibʼ
Wi nakaakʼut chiruhebʼ laakokʼal xyuʼaminkil li kubʼsink ibʼ, us teʼelq saʼebʼ li xyuʼam anaqwan ut saʼ li kutan li chalkebʼ re.
Xtawbʼal li sahil chʼoolejil usta wank li chʼaʼajkilal
Ebʼ li kokʼal li nekeʼxtaw li sahil chʼoolejil usta wank chʼaʼajkilal kawresinbʼilebʼ chiʼus ut inkʼaʼ teʼxuwaq naq tchalq ebʼ li chʼaʼajkilal saʼebʼ li xyuʼam.
Xbʼaanunkil li nayeemank qe
Joqʼe tixtzol junaq li qas qiitzʼin xbʼaanunkil li nayeemank re: saʼ xkachʼinal malaj naq ak xikenaq xchihabʼ?
Li naʼlebʼ li nekeʼxkʼe li xikenaqebʼ xchihabʼ
Ebʼ li kokʼal tento teʼbʼeresiiq rikʼin chaabʼil naʼlebʼ, ani tbʼaanunq re aʼin?
Li naʼlebʼ li nabʼeresink yuʼam
Xkʼutbʼal rehebʼ laakokʼal li naʼlebʼ li nabʼeresink yuʼam tixtenqʼahebʼ chi xsikʼbʼal chiʼus li teʼxbʼaanu naq teʼnimanq.
Xtzʼaqobʼ li naʼlebʼ choʼq rehebʼ li naʼbʼej yuwaʼbʼej
Ebʼ li naʼbʼej yuwaʼbʼej tento teʼxsikʼ ajwiʼ li chaabʼil naʼlebʼ re naq sahaqebʼ saʼ xchʼool. Wi taawaj xnawbʼal xkomon li naʼlebʼ, sikʼ saʼ jw.org.
