Jun li eetalil, kʼe reetal li nekeʼxye wiibʼ oxibʼ li qas qiitzʼin chirix li rusilal li nekeʼxtaw naq nekeʼril li Santil Hu ut naq nekeʼxyuʼami li naxye.

«Qʼaxal xchaabʼiloʼk linyuʼam. Xkawuuk ajwiʼ linjunxaqalil, linkʼaʼuxl ut linchʼool. Nawil chik rusilal li kʼaʼaq re ru» (xFiona).

«Xintaw xyaalal linyuʼam naq xintzol li Santil Hu» (xGnitko).

«Qʼaxal chaabʼil chik linyuʼam anaqwan: inkʼaʼ chik ninkʼe naabʼal hoonal re linkʼanjel, re linjunkabʼal chik ninkʼe chixjunil linhoonal» (Laj Andrew).

Aʼin moko najt ta wank chiqu. Naabʼalebʼ li qas qiitzʼin re chixjunil li Ruuchichʼochʼ ak xeʼril naq li Santil Hu nakʼanjelak saʼebʼ li xyuʼam.

Abʼan, chanru truuq qatenqʼankil li Santil Hu saʼebʼ li naʼlebʼ li naqanumsi saʼ li qayuʼam?

• Li xkawilal laajunxaqalil

• Li xkawilal laachʼool

• Laajunkabʼal ut ebʼ laawamiiw

• Laatumin

• Aajel ru li Yos saʼ laayuʼam

Saʼebʼ li tzolom tixkʼutbʼesi naq li Santil Hu moko kaʼaj tawiʼ jun loqʼlaj hu, aʼan jun li hu li naru nokooxtenqʼa wulaj wulaj.