CHANRU TKOTZMANQ LAAKʼAʼUXL
Tatruuq chi wank chi maakʼaʼ aakʼaʼuxl!
Li choxahil naʼlebʼ li wank saʼ li Santil Hu nokooxtenqʼa re naq inkʼaʼ t-oq qakʼaʼuxl chi maakʼaʼ xyaalal. Yaal naq laaʼo inkʼaʼ nokooruuk risinkil chixjunil li naxkʼe qakʼaʼuxl, abʼan laj Yobʼtesihom qe naru xbʼaanunkil. Ak xxaqabʼ aj tenqʼahom qe: aʼ li Jesukriist. Chi seebʼ, li Jesús tixbʼaanu li xnimal ru sachbʼachʼoolej saʼ chixjunil li Ruuchichʼochʼ ut qʼaxal nim wiʼ chik chiru li kixbʼaanu chaq. Qilaq wiibʼ oxibʼ rehebʼ aʼin.
LI JESÚS TIXKʼIRTASIHEBʼ LI YAJ
«Keʼxkʼam rikʼin chixjunilebʼ li yaj. [...] Ut li Jesús naxkʼirtesihebʼ» (MATEO 4:24, Wy, AKʼ TZʼIIBʼ).
LI JESÚS TIXKʼE ROCHOCHEBʼ UT XTZAKAHEMQ
«Ebʼ li poyanam teʼkabʼlaq ut teʼwanq chisaʼ; teʼawq uubʼ ut teʼxtzeka li ru. Moko teʼkabʼlaq ta ut jalan ta chik taawanq chisaʼ, chi moko teʼawq ut jalan chik taayaloq xsahil li ru» (ISAÍAS 65:21, 22).
LI JESÚS TIXKʼAM CHAQ LI TUQTUUKILAL UT LI SAHILAL SAʼ RUUCHICHʼOCHʼ
«Chiʼatzʼumaq li tiikil chʼoolej naq wanq chi awabʼejil; kʼajoʼaq li tuqtuukilal joʼ najtil twanq li po saʼ xbʼeen li ruuchichʼochʼ. Chiwanq xwankil chalen saʼ li palaw toj saʼ li palaw jun chik, chalen saʼ li nimaʼ Éwfrates toj saʼ xmaril li ruuchichʼochʼ [...] ut ebʼ li xikʼ nekeʼilok re cheʼxlow li pojtzʼ» (SALMO 72:7-9).
LI JESÚS TRISI LI TZʼEQTAANANK
«Taaruxtaana ruhebʼ li nebʼaʼ ut li wankebʼ saʼ rajbʼal ru; tixkolebʼ xyuʼam li qʼaxal ra wankebʼ. Aʼan taaʼisinq rehebʼ saʼ li raasa ut li rahobʼtesiik» (SALMO 72:13, 14).
LI JESÚS TRISI LI RAHILAL UT LI KAMK
«Inkʼaʼ chik taawanq kamk, chi moko yaabʼak, chi moko japok e malaj rahilal» (APOCALIPSIS 21:4).
Maare twulaq ajwiʼ chaawu
LI SANTIL HU NAXSUME EBʼ LI PATZʼOM
Kʼaru truuq xbʼaanunkil li Xnimajwal Awabʼejilal li Yos?
Kʼe reetal li tkʼulmanq naq li Xʼawabʼejilal li Yos tixjolomi li Ruuchichʼochʼ.
