Kʼutbʼesi li rahok
Li chʼaʼajkilal
Li tzʼeqtaanank inkʼaʼ naʼelk saʼ tzʼapel u. Naʼajmank li hoonal ut li kʼehok qʼe re xbʼanbʼal junaq li letzbʼil yajel, joʼkan ajwiʼ tento tqabʼaanu re xmichʼbʼal li tzʼeqtaanank. Kʼaru tooruuq xbʼaanunkil re risinkil li tzʼeqtaanank?
Li naʼlebʼ li naxkʼe li Santil Hu
«Tiqibʼomaq eeribʼ rikʼin li rahok, aʼan li naxkʼul wiʼ ribʼ li tzʼaqalil e u» (COLOSENSES 3:14).
Kʼaru naraj xyeebʼal? Xbʼaanunkil li us rehebʼ li junchʼol naxkʼam chaq li junajil. Wi nakaarahebʼ li junchʼol ut nakaakʼutbʼesi chiruhebʼ, t-oq chi jebʼk li tzʼeqtaanank ut maakʼaʼaq chik xnaʼaj saʼ laachʼool.
Li tatruuq xbʼaanunkil
Kʼoxla wiibʼ oxibʼ li naʼlebʼ re naq taakʼutbʼesi laarahom chirix jun siir li poyanam li inkʼaʼ nawulak chaawu. Moko aajel ta ru naq taabʼaanu li jwal chʼaʼaj. Naru nakaayal aʼin:
Usta kachʼin li rahok yooqo xkʼutbʼesinkil, aʼin tooxtenqʼa chi xnajtobʼresinkil qibʼ chiru li tzʼeqtaanank.
Kʼutbʼesi li chaabʼil naʼlebʼ, jun eetalil te li okebʼaal chiruhebʼ malaj kʼe laanaʼaj rehebʼ saʼ li kamiʼoneet.
Naq tat-aatinaq rikʼinebʼ oksi li aatin li moko chʼaʼaj ta, usta inkʼaʼ nekeʼxnaw chiʼus laawaatinobʼaal.
Chiwanq aakuyum naq teʼxbʼaanu junaq li naʼlebʼ li inkʼaʼ nakaataw ru.
Kʼe aachʼool chi rabʼinkilebʼ ut yal xtawbʼal ru li xchʼaʼajkilalebʼ.
Maare twulaq ajwiʼ chaawu
AJSI AAWU!
Ebʼ li chaabʼil naʼlebʼ li tooxtenqʼa re naq toowanq saʼ tuqtuukilal rikʼinebʼ li junchʼol
Kʼaru li naʼlebʼ tooxtenqʼa re naq us tqakʼam qibʼ rikʼinebʼ li junchʼol?
