Chanchan naq li oxloqʼink yook chi sach. Moko junelik ta chik nakʼutbʼesimank li oxloqʼink ut naq junaq li qas qiitzʼin naʼoxloqʼink, ebʼ li junchʼol nekeʼsach xchʼool.

Jun eetalil, naabʼalebʼ li qas qiitzʼin moko nekeʼroxloqʼi ta chik li xnaʼ xyuwaʼ, ebʼ li cheek, ebʼ laj kʼaakʼalenel tenamit, ebʼ laj echal kʼanjel ut ebʼ laj kʼutunel. Joʼkan ajwiʼ, chixjunil li naʼilmank saʼ internet moko naxkʼut ta naq wank li oxloqʼink. Ut aʼan tzʼaqal naxye li hu Harvard Business Review naq wulaj wulaj yook chi ilmank naq numtajenaq ebʼ li qas qiitzʼin li inkʼaʼ nekeʼxyuʼami li oxloqʼink. Naxye ajwiʼ naq «wiibʼ oxibʼ chihabʼ anaqwan, naabʼalebʼ xeʼxye naq moko us ta naq yook chi sach li oxloqʼink».