Ebʼ li kamenaq teʼwakliiq wiʼ chik chi yoʼyo
Maajun naxkol ribʼ chiru li kamk. Abʼan, ma rikʼin li kamk naʼosoʼk chixjunil? Ma tik inkʼaʼ chik najultikamank ebʼ li kamenaq? Ma teʼwanq wiʼ chik xyuʼam saʼ junaq kutan?
KʼOXLA LI NAXYE LI SANTIL HU
LI YOS INKʼAʼ NASACH SAʼ XCHʼOOL EBʼ LI KAMENAQ
«Chixjunilebʼ li wanqebʼ saʼ muqlebʼaal kamenaq [...] teʼelq chaq» (Juan 5:28, 29).
Li Yos naxjultika ebʼ li ak xeʼkamk. Li wanqebʼ saʼ xkʼaʼuxl li Yos, teʼwanq wiʼ chik xyuʼam.
EBʼ LI KAMENAQ TEʼWAKLIIQ WIʼ CHIK CHI YOʼYO SAʼ RUUCHICHʼOCHʼ
«Teʼwakliiq wiʼ chik chi yoʼyo li tiikebʼ xchʼool ut ebʼ laj maak» (Hechos 24:15).
Chi mil miyon ebʼ li poyanam teʼwakliiq wiʼ chik ut teʼruuq chi wank saʼ tuqtuukilal chi junelik.
NARU TQAPAABʼ NAQ TEʼWAKLIIQ WIʼ CHIK CHI YOʼYO
Li Yos «naxnaw joʼkʼihalebʼ li chahim ut naxbʼoq li junjunq rikʼin xkʼabʼaʼ» (Salmo 147:4).
Wi li Yos naxnaw xkʼabʼaʼebʼ li junjunq chi chahim, truuq ajwiʼ xjultikankil li tixwaklesihebʼ wiʼ chik chi yoʼyo.
Maare twulaq ajwiʼ chaawu
LI SANTIL HU NAXSUME EBʼ LI PATZʼOM
Kʼaru naraj xyeebʼal wakliik wiʼ chik chi yoʼyo?
Maare taasachq aachʼool chi xnawbʼal ani teʼwakliiq wiʼ chik chi yoʼyo.
