CHANRU XKANABʼANKIL LI XIKʼ ILOK
1 | Matsikʼok u
Li Santil Hu naxye:
«Li Yos juntaqʼeet narilebʼ chixjunil ut sa naxkʼul chixjunilebʼ li nekeʼpaabʼank re ut nekeʼxbʼaanu li tiikilal, aʼ yaal kʼaʼ chi tenamitul yoʼlajenaqebʼ wiʼ» (HECHOS 10:34, 35).
Kʼaru naraj xyeebʼal?
Li Jehobʼa * inkʼaʼ naraqok aatin saʼ qabʼeen xbʼaan li qatenamit, li xbʼonol li qatibʼel ut li qawanjik. Naril bʼan li naqakʼoxla ut naqekʼa. Li Santil Hu naxye: «Li naril li Yos, maawaʼ aʼ li naril li winq: li winq naril chanru naʼilok junaq, abʼan li Qaawaʼ naril li chʼoolej» (1 Samuel 16:7).
Li tatruuq xbʼaanunkil:
Usta inkʼaʼ naqil kʼaru wank saʼ xchʼoolebʼ li kristiʼaan, abʼan naru naqakʼam qe rikʼin li Jehobʼa ut inkʼaʼ toosikʼoq u. Qayalaq qaqʼe chi rilbʼalebʼ chi junjunqal ut inkʼaʼ saʼ chʼuutal. Wi nakaakʼe reetal naq moko sa ta nakaawil ebʼ li kristiʼaan xbʼaan li xwanjikebʼ ut li xtenamitebʼ tzʼaama re li Jehobʼa naq tatxtenqʼa chi xmichʼbʼal saʼ laachʼool li xikʼ ilok (Salmo 139:23, 24). Chʼolchʼooq chaawu naq aʼan tatxtenqʼa (1 Pedro 3:12).
^ párr. 6 Li xkʼabʼaʼ li Yos aʼan Jehobʼa (Salmo 83:18, TNM).
«Wankin rikʼin saʼ xyaalal, maajunwa xinkʼoxla aʼin. Anaqwan ninnaw naq wankin saʼ li tzʼaqal paabʼal bʼarwiʼ nekeʼxkʼutbʼesi li tzʼaqal rahok» (LAJ TITUS).
Maare twulaq ajwiʼ chaawu
AJSI AAWU!
Ma bʼonbʼilat rikʼin li tzʼeqtaanank?
Bʼar wank rehebʼ li eetalil li naxkʼutbʼesi li tzʼeqtaanank?
