LI XLISA * naxye li kiwulak chiwu chirix li yaal: «Aʼan li xchaabʼilal ebʼ li hermaan». Joʼkan ajwiʼ li kixkʼul li xʼAnne. Aʼan naxye: «Naq xinnaw ruhebʼ laj Testiiw, li kiwulak chiwu aʼan li rahok maawaʼ li nekeʼxkʼut». Usta ebʼ li hermaan aʼin nekeʼwulak chiru rilbʼal xsaʼ li Santil Hu ut xkʼoxlankil rix, abʼan li kitenqʼank rehebʼ aʼan li rahok.

Chanru tqakʼutbʼesi li rahok re naq sa teʼrekʼa ribʼ ebʼ li junchʼol? Qilaq wiibʼ li naʼlebʼ: rikʼin li qaatin ut li qabʼaanuhom. Moqon tqil chiru anihebʼ naru tqakʼutbʼesi li chaabʼilal.

Saʼ Proverbios tasal 31 naʼaatinak chirix jun li ixaqilbʼej li kaw nakʼanjelak ut chaabʼil naʼaatinak (Prov. 31:26). Joʼkan naq naxkʼe reetal li naxye ut chanru naxye. Ebʼ li naʼbʼej yuwaʼbʼej ajwiʼ tixkanabʼ naq li rahok tixbʼaanu naq chaabʼil teʼaatinaq. Aʼanebʼ nekeʼxnaw naq wi teʼraatina chi kaw ebʼ li ralal xkʼajol, naru tixtochʼebʼ li xchʼool. Ut aʼin tixbʼaanu naq inkʼaʼ teʼabʼinq chiruhebʼ. Abʼanan, wi nekeʼraatina ebʼ li ralal xkʼajol saʼ xyaalal naru teʼabʼinq chiruhebʼ.

Maakʼaʼ naxye ma laaʼo naʼbʼej yuwaʼbʼej malaj inkʼaʼ, kʼaru tento tqabʼaanu re naq chaabʼil tooʼaatinaq? Saʼ Proverbios 31:26 naxye chi joʼkaʼin: «Naʼaatinak junes rikʼin chaabʼil naʼlebʼ». Aʼin naraj xyeebʼal xsikʼbʼal chiʼus li qaatin ut li xyaabʼ qakux. Naq wanko sa junaq li chʼaʼajkilal naru naqakʼoxla: «Li tinye, ma tixbʼor xjosqʼil, malaj inkʼaʼ?» (Prov. 15:1). Joʼkan naq, us naq tqakʼoxla rix li tqaye.

Jun chik li raqal saʼ Proverbios naxye: «Wan li aatin ra nanaqk wiʼ joʼ naxset li qʼesnal chʼiichʼ» (Prov. 12:18). Wi tqakʼoxla naq rikʼin li qaatin ut li xyaabʼ qakux tqatochʼ xchʼool junaq, weent tqabʼaanu rikʼin li tqaye. Wi nokooʼaatinak rikʼin rahok, inkʼaʼ tqoksi li aatin li ra nanaq chi moko tqataqsi xyaabʼ qakux (Efes. 4:31, 32). Choʼq reqaj li yibʼru aj kʼaʼuxej ut li yibʼru aj aatin naqoksi li chaabʼil aatin ut li chaabʼil kʼaʼuxej. Li Jehobʼa, naxkʼe jun chaabʼil eetalil chirix aʼin. Naq kixtenqʼa laj Elías li yook xxiw, kiroksi jun li ánjel re xwaklesinkil xchʼool naq «timil timil» kiraatina malaj saʼ tuulanil (1 Rey. 19:12). Joʼkan naq, li chaabʼilal moko kaʼaj tawiʼ naʼokenk saʼebʼ li qaatin. Tento bʼan tqakʼutbʼesi rikʼin li qabʼaanuhom. Qilaq chanru.

Xkʼambʼal qe rikʼin li Jehobʼa naraj xyeebʼal aatinak saʼ tuulanil ut naʼlebʼak chi chaabʼil (Efes. 4:32; 5:1, 2). Li xLisa li xooʼaatinak wiʼ saʼ li xbʼeen raqal, kiril li rahok li nekeʼxkʼutbʼesi ebʼ laj Testiiw. Naxye: «Naq xqajal qanaʼaj, wiibʼ sumal ebʼ laj Testiiw xeʼxpatzʼ li xhilobʼaal kutan saʼebʼ li xkʼanjel re qatenqʼankil chi xkawresinkil li kʼaru qe. Ut saʼ li hoonal aʼan toj maajiʼ ninʼok xtzolbʼal li Santil Hu». Aʼin kixbʼaanu naq li xLisa kiraj xnawbʼal xkomon li naʼlebʼ chirix li yaal.

 Li xʼAnne, li xooʼaatinak wiʼ saʼ xtiklajik, oxloqʼ ajwiʼ chiru li chaabʼilal li xeʼxkʼut ebʼ laj Testiiw. Aʼan naxye: «Saʼ xkʼabʼaʼ naq numtajenaq li maaʼusilal saʼ li ruuchichʼochʼ, xchʼaʼajkoʼk chiwu xpaabʼankil ebʼ li junchʼol». Naxye ajwiʼ: «Naq xinnaw ru ebʼ laj Testiiw, nachʼaʼajkoʼk chiwu xpaabʼankilebʼ. Ninkʼoxla kʼaʼut naq nekeʼxkʼe xchʼool chiwix. Abʼan rilbʼal naq naxbʼaanu, moko xchʼaʼajkoʼk ta chiwu xkʼojobʼankil linchʼool rikʼin li nakʼehok intzolom». Ut kʼaru rusilal kixtaw? Li xʼAnne naxye: «Moqon, xinkʼe inchʼool chirix li yookin xtzolbʼal».

Li kitochʼok xchʼool ebʼ li hermaan aʼin, aʼan li rahok li nekeʼxkʼut ebʼ laj Testiiw. Ut xbʼaan aʼin, xeʼraj xnawbʼal xkomon chirix li yaal. Li chaabʼilal li xeʼxkʼut li chʼuut kitenqʼank rehebʼ chi xkʼojobʼankil xchʼoolebʼ rikʼin li Jehobʼa.

Wankebʼ seʼseʼ ruhebʼ ut moko nachʼaʼajkoʼk ta chiruhebʼ aatinak saʼ tuulanil saʼ xkʼabʼaʼ xwanjikebʼ. Chaabʼil aʼan. Abʼan, wi naqabʼaanu yal saʼ xkʼabʼaʼ li qakʼiijik,  maare inkʼaʼ yooko xkʼambʼal qe rikʼin li Jehobʼa (juntaqʼeeta rikʼin Hechos 28:2).

Li chaabʼilal aʼan jun rehebʼ li naruuchin li santil musiqʼej (Gál. 5:22, 23). Joʼkan naq, re xkʼambʼal qe rikʼin li Jehobʼa ut li Jesús, aajel ru naq li santil musiqʼej tooxtenqʼa rikʼin li qakʼaʼuxl ut li qabʼaanuhom. Joʼ aj paabʼanel, naqakʼe qachʼool chirixebʼ li junchʼol xbʼaan naq naqara li Yos ut ebʼ li qas qiitzʼin. Naq li rahok naʼekʼasink qe xkʼutbʼesinkil li chaabʼilal, qʼaxal wank xwankil ut aʼin naxsahobʼresi xchʼool li Jehobʼa.

Moko chʼaʼaj ta xkʼutbʼal li naʼlebʼ aʼin chiruhebʼ li xeʼxkʼutbʼesi chiqu ut li nekeʼxnaw qu (2 Sam. 2:6). Jun li naʼlebʼ li tooruuq xbʼaanunkil aʼan xbʼanyoxinkil rehebʼ (Col. 3:15). Abʼan, kʼaru naru nakʼulmank wi naqakʼoxla naq moko xkʼulubʼ ta junaq naq tqara?

Qakʼoxlaq aʼin: li Jehobʼa naxkʼutbʼesi li chaabʼilal chiruhebʼ li inkʼaʼ xkʼulubʼebʼ. Li Santil Hu naxkʼe jun chaabʼil eetalil chirix aʼin. Saʼ li Santil Hu li kitzʼiibʼamank saʼ Griego naʼaatinak chirix li chaabʼilal. Chanru naxkʼutbʼesi aʼin li Jehobʼa?

Qakʼoxlaq rix chanru li Jehobʼa naxkʼe rehebʼ chixjunil li kristiʼaan li kʼaru naʼajmank chiruhebʼ rajlal kutan (Mat. 5:45). Usta toj maajiʼ naqanaw ru, ak kixkʼutbʼesi chiqu li chaabʼilal (Efes. 2:4, 5, 8). Li Jehobʼa kixkʼe qe li Ralal, li qʼaxal oxloqʼ chiru. Li apóstol Pablo kixye naq tooruuq xtawbʼal rusilal li xkamik li Jesús «saʼ xkʼabʼaʼ li xnimal rusilal» li Yos (Efes. 1:7). Usta nokoopaltoʼk ut naqachʼina xchʼool li Jehobʼa, toj nokooxtenqʼa. Li xkʼutum ut li raatin chaabʼil joʼ «li musmus habʼ» (Deut. 32:2). Maajunwa tooruuq xtojbʼal re chixjunil aʼin. Ut naqanaw naq wi li Jehobʼa inkʼaʼ naxkʼutbʼesi li xchaabʼilal chiqu maakʼaʼaq qoybʼenihom (juntaqʼeeta rikʼin 1 Pedro 1:13).

Peʼyaal naq li xchaabʼilal li Jehobʼa nokooxjilosi rikʼin? Joʼkan naq, moko wiibʼ oxibʼ ta ajwiʼ tqara. Qayalaq bʼan qaqʼe chi rilbʼalebʼ joʼ chanru narilebʼ li Jehobʼa (1 Tes. 5:15). Wi naqakʼutbʼesi li rahok chiruhebʼ li hermaan, li qajunkabʼal, li qechkʼanjel, li qechtzolom ut li qechkabʼal chanchanaqo li xaml li nokooqʼixink wiʼ naq ke li kutan.

Ma wank anihaq saʼ laajunkabʼal malaj saʼ li chʼuut li tixtaw rusilal laachaabʼilal ut laawaatin? Maare wank junaq li hermaan li naraj xtenqʼ re xsaabʼesinkil li rochoch malaj re xik chi loqʼok malaj xbʼaanunkil junaq chik li naʼlebʼ? Ut, chanru naru naqakʼutbʼesi li chaabʼilal saʼ li puktesink? Maare xtenqʼankil junaq li qas qiitzʼin.

Qakʼamaq qe rikʼin li Jehobʼa ut qayalaq qaqʼe chi xbʼaanunkil chixjunil rikʼin rahok.