Nekeʼchʼinaak xchʼool li kristiʼaan rikʼinebʼ li paabʼajelebʼ raj. Naabʼalebʼ inkʼaʼ chik nekeʼxpaabʼ ebʼ:

•   li awabʼej xbʼaan naq nekeʼxsikʼ li us kaʼajwiʼ choʼq rehebʼ ut inkʼaʼ choʼq rehebʼ li kristiʼaan.

•   li esil li naʼelk saʼ tele, saʼ raay ut saʼ internet xbʼaan naq moko yaal ta nekeʼxye.

•   li nekeʼxtzʼil rix li jalan jalanq li naʼlebʼ xbʼaan naq inkʼaʼ nekeʼxsikʼ li usilal choʼq rehebʼ li kristiʼaan.

•   laj kʼamolbʼe saʼebʼ li paabʼal xbʼaan naq nekeʼokenk chirixebʼ li awabʼej ut moko chirix ta li Yos.

 Xkʼulubʼebʼ li kristiʼaan naq weent teʼxbʼaanu rikʼin ani teʼxkʼojobʼ xchʼool. Li Santil Hu naxye:

•   «Meesikʼ xkʼojobʼankil eechʼool rikʼinebʼ li xninqal ru winq: aʼan yal winqebʼ, ut inkʼaʼ naru texkoleʼq xbʼaanebʼ» (Salmo 146:3, Li Santil Hu, Sociedad Bíblica de Guatemala).

  Li Santil Hu naxye naq wank ani paabʼajel ru: aʼ li Jesukriist. Moko yal jun chaabʼil winq ta li kiwank junxil. Li Yos kixxaqabʼ li Jesús re naq «t-awabʼejinq [...]. Li Xʼawabʼejilal maajunwa t-osoʼq» (Lucas 1:32, 33). Li Jesús aʼan li Awabʼej saʼ li Xʼawabʼejilal li Yos li yook chi awabʼejink anaqwan saʼ choxa (Mateo 6:10).

•   Re xnawbʼal kʼaʼut paabʼajel li Jesús, chaawil li naʼlebʼ «Ani li Awabʼej re li Xʼawabʼejilal li Yos?» ut «Kʼaru truuq xbʼaanunkil li Xnimajwal Awabʼejilal li Yos»