Li inkʼaʼ nekeʼxket li chalenaq rikʼin li xul | Kʼaru naxye li Santil Hu?
Naabʼalebʼ li poyanam nekeʼxik xchʼool chirixebʼ li inkʼaʼ nekeʼroksi chi moko nekeʼxtzeka chixjunil li chalenaq rikʼin li xul.
«Ebʼ li kristiʼaan li nekeʼxyuʼami li naʼlebʼ aʼin inkʼaʼ nekeʼxtzeka chi moko nekeʼroksi yalaq kʼaru li chalenaq rikʼinebʼ li xul, xbʼaan naq nekeʼxkʼoxla naq xbʼaanunkil aʼin aʼan xtawasinkil ebʼ li xul» (The Vegan Society).
Naabʼalebʼ li nekeʼxyuʼami li naʼlebʼ aʼin moko kaʼajwiʼ nekeʼxbʼaanu saʼ xkʼabʼaʼ naq nekeʼxra ebʼ li xul, saʼ xkʼabʼaʼ ajwiʼ naq nekeʼraj xkolbʼal li ruuchichʼochʼ ut li xjunxaqalil, malaj saʼ xkʼabʼaʼ li xpaabʼal.
«Li xjalanil rikʼinebʼ li kristiʼaan li nekeʼril chiʼus li nekeʼxwaʼ xbʼaan naq nekeʼraj naq kawaq li xjunxaqalil ut ebʼ li kristiʼaan aʼin, aʼan naq choʼq rehebʼ, aʼin jun li taql li naxbʼeresi li xyuʼam saʼ xkʼabʼaʼ naq nekeʼraj xjalbʼal li xnaʼlebʼ li ruuchichʼochʼ» (Britannica Academic).
Ma tchaabʼiloʼq li ruuchichʼochʼ wiʼ inkʼaʼ naqaket li chalenaq rikʼinebʼ li xul? Kʼaru naxye li Santil Hu?
Li naxkʼoxla laj Yobʼtesinel chirixebʼ li kristiʼaan ut ebʼ li xul
Li Santil Hu naxye naq choʼq re li Jehobʼa, a laj Yobʼtesinel qe, ebʼ li kristiʼaan qʼaxal wankebʼ xwankil chiruhebʼ li xul. Naq kixyobʼtesi li winq kixkʼe xwankil saʼ xbʼeenebʼ li xul (Génesis 1:27, 28). Saʼ xnumikebʼ li kutan, li Yos kixkanabʼ naq ebʼ li winq teʼxtzeka li tibʼ rehebʼ li xul (Génesis 9:3). Abʼanan, aʼin moko naraj ta xyeebʼal naq aʼan naxkʼulubʼa naq tqatawasi ebʼ li xul (Proverbios 12:10).
Li Santil Hu naxye naq yal re li junjunq wiʼ tixtzeka li tibʼ malaj inkʼaʼ. b Li tqabʼaanu moko tixbʼaanu ta naq chaabʼilaq li qanaʼlebʼ chiru li Yos (1 Corintios 8:8). Maaʼani truuq xwechʼbʼal li junchʼol saʼ xkʼabʼaʼ li nekeʼxwaʼ (Romanos 14:3).
Chanru tchaabʼiloʼq ebʼ li kutan chalkebʼ re
Li Santil Hu naxye naq maajun li naʼlebʼ li naqasikʼ xbʼaanunkil saʼ li qayuʼam tixtuqubʼ ru li xchʼaʼajkilal li ruuchichʼochʼ. Xbʼaan naq naabʼal ebʼ li chʼaʼajkilal chalenaq xbʼaan li awabʼej, li xkʼaʼuxl ebʼ li tenamit malaj xbʼaan li tumin, ut maaʼani truuq xjalbʼal aʼin. Li Santil Hu naxye:
«Li yokos inkʼaʼ chik naru xtiikobʼresinkil» (Eclesiastés 1:15, Li Santil Hu, Sociedad Bíblica de Guatemala).
Laj Yobʼtesinel qe tixtuqubʼ ru chixjunil li chʼaʼajkilal. Li Santil Hu naroksi jun li eetalil re xyeebʼal kʼaru tixbʼaanu li Yos.
«Tojaʼ naq xwil jun akʼ choxa ut jun akʼ ruuchichʼochʼ xbʼaan naq li choxa ut li ruuchichʼochʼ li xwank rubʼelaj xeʼsach ut li palaw moko wank ta chik» (Apocalipsis 21:1).
Li Yos tixkʼe choʼq reqaj li xʼawabʼejilal li winq, naraj naxye «li choxa […] li xwank rubʼelaj», jun «akʼ choxa», li naraj xyeebʼal li Xʼawabʼejilal li Yos. Li Awabʼejihom aʼin tixsach «li ruuchichʼochʼ li xwank rubʼelaj», malaj ebʼ li yibʼ ru xnaʼlebʼ. Ut tjolominq saʼ xbʼeen li «akʼ ruuchichʼochʼ»: ebʼ li kristiʼaan li nekeʼxkʼulubʼa chi anchal xchʼool li xwankilal.
Kaʼajwiʼ naq li Xʼawabʼejilal li Yos t-jolominq tqatzol wank saʼ tuqtuukilal rikʼinebʼ li xul ut li yobʼtesihom li wank saʼ li qasutam (Isaías 11:6-9).
a Li xkʼabʼaʼ li Yos aʼan Jehobʼa (Salmo 83:18, La Biblia. Traducción del Nuevo Mundo, 2019 saʼ español).
b Li Santil Hu naxye naq inkʼaʼ tqatzaka li kikʼ (Hechos 15:28, 29). Aʼin naraj xyeebʼal naq inkʼaʼ tqukʼ chi moko tqatzaka li tibʼ li toj maajiʼ nekeʼrisi li xkikʼel. Chi moko tqawaʼ ebʼ li tzekemq wiʼ nekeʼxkʼe xkikʼel.
Maare twulaq ajwiʼ chaawu
JUNCHʼOL CHIK EBʼ LI NAʼLEBʼ
Li chaq’al ru yeechi’om cho’q re li kutan chalk re
K’a’ut naq li naxyeechi’i li Santil Hu moko junaqik ta rik’in li neke’xyeechi’i ut li neke’xk’oxla eb’ li poyanam?
QʼAXAL LOQʼ LI NAXKʼUT LI SANTIL HU
Kʼaʼut kixyiibʼ li Yos li Ruuchichʼochʼ?
Chʼinaʼus yiibʼanbʼil li Ruuchichʼochʼ. Li Yos kixsikʼ li naʼaj bʼarwiʼ tixkʼojobʼ chiru li Saqʼe ut kixkʼubʼ chiʼus re naq tixsurisi ribʼ. Kʼaʼut li Yos kixkʼe xchʼool chirix?
JUNCHʼOL CHIK EBʼ LI NAʼLEBʼ
Ma juntaq’eetaq li xwanjikeb’ li kristi’aan sa’ junaq kutan?
Wank jun li Awab’ejihom li naru xjolominkil li Ruuchich’och’ chi chaab’il ut risinkil li neb’a’il.
