Naq kiwank sa’ ruuchich’och’, kixk’utb’esi naq jwal nokooxra, toj reetal kixk’e li xyu’am chiqix (Mateo 20:28; Juan 15:13). Chi seeb’, tixk’utb’esi naq q’axal wi’ chik nokooxra: jo’ awab’ej re li x’awab’ejihom li Yos, tixsacheb’ «li yalok u toj sa’ xmaril li ruuchich’och’» (Salmo 46:10 Li Santil Hu, Sociedad Bíblica de Guatemala, SBG).

 Chaawil li naxye li Santil Hu chirix li tixb’aanu li Jesús:

•   «A’an taakoloq re li neb’a’ li yo chi tz’aamank, a’ li toq’ob’ ru li ink’a’ natenq’aak xb’aan anihaq. Taaruxtaana ruheb’ li neb’a’ ut li wankeb’ sa’ rajb’al ru, tixkoleb’ xyu’am li q’axal ra wankeb’. A’an taa’isinq reheb’ sa’ li raasa ut li rahob’tesiik» (Salmo 72:12-14, SBG).

 Chanru naqak’utb’esi naq naqab’anyoxi li ak kixb’aanu chaq ut li yook xb’aanunkil chiqix? Sa’ Lucas 22:19, li Jesús kixye reheb’ li xtzolom naq te’xjultika li xkamik. Jo’kan naq, rajlal chihab’ eb’ laj testiiw re li Jehob’a neke’ch’utlaak re xjultikankil li xkamik. Nakatqab’oq re naq wanqat qik’in re xjultikankil li xkamik li Jesús. T-uxmanq sa’ li domingo 24 re marzo 2024.

B’ar twanq li Xnimankil li xkamik li Jesús