Naq kiwank sa’ Ruuchich’och’, li Jesús kixk’utb’esi naq naxraheb’ li poyanam, q’axal wi chik eb’ li wankeb’ sa neb’a’il ut sa’ rahilal (Mateo 9:36). Kixk’e xyu’am re xkolb’al naab’al li qas qiitz’in (Mateo 20:28; Juan 15:13). Chi seeb’, jun sut chik, tixk’utb’esi chiqu naq q’axal nokooxra: jo’ li Awab’ej xaqab’anb’il xb’aan li Yos, troksi li xwankilal re risinkil li neb’a’il sa’ chixjunil li Ruuchich’och’.

 Li Jesús tixb’aanu naq ttz’aqlo’q ru li ch’ina’usil aatin a’in li wank sa’ li Santil Hu:

•   «Chixkol taxaq eb’ li neb’a’, chixtenq’aheb’ li toq’ob’eb’ ru ut chixsachaq xwankil li narahob’tesink reheb’» (Salmo 72:4).

 Chanru naqak’utb’esi naq naqab’anyoxi li ak kixb’aanu chaq li Jesús ut li tixb’aanu chiqix? Sa’ Lucas 22:19, li Jesús kixye reheb’ li xtzolom naq te’xjultika li xkamik. Jo’kan naq, rajlal chihab’ eb’ laj testiiw re li Jehob’a neke’ch’utlaak re xjultikankil li xkamik. Nakatqab’oq re naq too’aawochb’eni chi Xnimankil li xkamik li Jesús. T-uxmanq sa’ li domingo 24 re marzo 2024.

B’ar twanq li Xnimankil li xkamik li Jesús