Saʼebʼ li esil naʼaatinak chirixebʼ li kristiʼaan li nekeʼtzʼeqtaanank, naʼaatinak ajwiʼ chirixebʼ li nekeʼxrahobʼtesi ebʼ li junchʼol xbʼaan naq jalanebʼ xtenamit ut chirix li yalok u.

•   «Saʼ xkʼabʼaʼ li yalok u li wank Israel ut Gaza ut ebʼ li kristiʼaan li nekeʼxbʼeresi li xikʼ ilok ut li maaʼusilal junes chirix aʼan nekeʼaatinak wiʼ saʼ internet» (The New York Times, 15 re noviembre 2023).

•   «Chalen 7 re octubre, saʼ li ruuchichʼochʼ kinumtaak li xikʼ ilok, li tzʼeqtaanank ut xkamsinkil ebʼ li kristiʼaan chi maakʼaʼebʼ xmaak» (Dennis Francis, presidente de la Asamblea General de las Naciones Unidas, 3 re noviembre 2023).

 Li tzʼeqtaanank, li raaxiikʼ ut li yalok u moko tojeʼ ta kitiklaak. Abʼan naq li Santil Hu naʼaatinak chirix li xeʼwank chaq junxil naxye naq «li aatin nekeʼxye chanchan li ral simaj wank xmay» ut nekeʼxik chi yalok ut chi kamsink (Salmo 64:4, Li Santil Hu, Sociedad Bíblica de Guatemala; 120:7; 140:2). Abʼan li Santil Hu naxchʼolobʼ naq li xikʼ ilok li naqil wank xyaalal.

 Li Santil Hu naxchʼolobʼ wiibʼ xyaalal kʼaʼut wank li xikʼ ilok saʼebʼ li qakutan.

1.  1. Kixye naq twanq jun qʼehil bʼarwiʼ «li xkʼihalil li qas qiitzʼin tixkanabʼ rahok» (Mateo 24:12). Ebʼ li qas qiitzʼin teʼxkʼutbʼesi li naʼlebʼ li naxkʼam chaq li xikʼ ilok ut inkʼaʼ li rahok (2 Timoteo 3:1-5).

2.  2. Li xikʼ ilok li wank saʼ li qakutan naxkʼutbʼesi naq laj Tza yibʼru xnaʼlebʼ. Li Santil Hu naxye naq «chixjunil li ruuchichʼochʼ wank rubʼel xwankil li Maaʼus» (1 Juan 5:19; Apocalipsis 12:9, 12).

 Abʼanan li Santil Hu naxye ajwiʼ naq li Yos chi seebʼ trisi chixjunil li nakʼamok chaq re li xikʼ ilok. Joʼkan ajwiʼ trisi chixjunil li rahilal li naxkʼam chaq aʼin. Li Santil Hu naxye:

•   Li Yos «tixmes li xyaʼalebʼ ru, maakʼaʼaq chik li kamk chi moko li rahil chʼoolej chi moko li yaabʼak chi moko li rahilal. Chixjunil li narahobʼtesink chaq qe moko wank ta chik» (Apocalipsis 21:4).