JUNELIK AJ’AJAQ QU!
Eb’ li xninqal ru hiik sa’ li tenamit Turquía ut Siria | K’aru naxye li Santil Hu?
Sa’ li kutan lunes 6 re febrero 2023, xe’wank eb’ li hiik li ke’xtoch’ li tenamit Turquía ut Siria.
«Sa’ li kutan lunes, jun li xnimal ru hiik kixkamsiheb’ numenaq 3,700 chi poyanam sa’ xteepal Turquía ut Siria. Jun chik li nimla ch’a’ajkilal a’an naq q’axal ke, jo’kan naq jwal ra yookeb’ xk’ulb’al li kristi’aan li xe’toch’e’k malaj li xe’juk’e’k li rochoch. Li hab’alq’e naxch’a’ajki ajwi’ xtawb’aleb’ li kristi’aan li xe’kanaak rub’el eb’ li ochoch li xe’t’ane’k» (Reuters, 6 re febrero 2023).
Naraho’k qach’ool rab’inkil chirix li rahilal a’in. Naq yooqo xnumsinkil junaq li ch’a’ajkilal, naru tqasik’ xtenq’ li Jehob’a, a’an «li Yos q’axal aj k’ojob’anel ch’oolej» (2 Corintios 1:3, SBG). A’an naxb’aanu li na’ajmank «re naq rik’in […] li xk’ojob’ankil li qaanm naxk’e li Santil Hu chiwanq xnimal qoyb’enihom» (Romanos 15:4, SBG).
Sa’ li Santil Hu naqatzol a’in:
Li kiyeemank chaq chirix eb’ li nimla hiik.
B’ar tqataw qoyb’enihom ut xk’ojob’ankil qach’ool?
K’aru tixb’aanu li Yos re risinkil chixjunil li rahilal?
Wi nakaawaj xnawb’al li naxye li Santil Hu chirix li na’leb’ a’in, taawil:
a Li xk’ab’a’ li Yos a’an Jehob’a (Salmo 83:18, La Biblia. Traducción del Nuevo Mundo, 2019 sa’ español).
Maare twulaq ajwiʼ chaawu
LI NAXKʼUT LI SANTIL HU
Ma li Yos nak’amok chaq re eb’ li nimla rahilal?
Wiib’ reheb’ li xe’xk’ul eb’ li nimla rahilal neke’xye li xe’xtzol sa’ li Santil Hu.
JUNCHʼOL CHIK EBʼ LI NAʼLEBʼ
Li chaq’al ru yeechi’om cho’q re li kutan chalk re
K’a’ut naq li naxyeechi’i li Santil Hu moko junaqik ta rik’in li neke’xyeechi’i ut li neke’xk’oxla eb’ li poyanam?
QʼAXAL LOQʼ LI NAXKʼUT LI SANTIL HU
Kʼaʼut naq li Yos inkʼaʼ narisi li rahilal?
Ebʼ li qas qiitzʼin nekeʼxye, kʼaʼut naabʼal li xikʼ ilok ut li rahilal saʼ Ruuchichʼochʼ? Li Santil Hu naxchʼolobʼ aʼin ut naxkʼe qoybʼenihom.
