Ma nakaawekʼa naq wankat aajunes? Maare nakaawekʼa aawibʼ joʼ li kitzʼiibʼank re li Salmo, naq kixye: «Chanchanin li junaatalil xul saʼ xbʼeen li kabʼl» (Salmo 102:8, Li Santil Hu, Sociedad Bíblica de Guatemala, SBG). Li naʼlebʼ li naxkʼe li Santil Hu naru nakatxtenqʼa chi xqʼaxbʼal ru li chʼaʼajkilal aʼin.

•  Maakanabʼ xkawubʼresinkil laaʼamiiwil rikʼin li Yos

•  Tzʼil rix ebʼ li raqal li Santil Hu li tixkawubʼresi laachʼool

•  Tzʼil rix kʼaʼut wank li maaʼusilal saʼ ruuchichʼochʼ

•  Maakʼe xkomon laakʼaʼuxl

•  Sikʼ ebʼ laachaabʼil amiiw

•  Kawresi laajunxaqalil

 Usta nakaawekʼa aawibʼ naq wankat aajunes, naru naq sahaq laachʼool wi chʼolchʼo chaawu naq aajel ru xnawbʼal ru li Yos (Mateo 5:3, 6). Us raj naq taatzʼil rix ebʼ li tenqʼ aʼin.

•   Saʼ internet taataw li Santil Hu li tzʼaqal re ru ut moko chʼaʼaj ta xtawbʼal ru.

•   Saʼebʼ li kokʼ bʼideo aʼin taataw wiibʼ oxibʼ li kʼutum chirix li Santil Hu.

•   Saʼ li naʼlebʼ «Li Santil Hu naxsume ebʼ li patzʼom», natawmank xsumenkil wiibʼ oxibʼ li patzʼom li nekeʼxbʼaanu ebʼ li poyanam.

•   Saʼ li naʼlebʼ «Ejemplos de fe», natawmank resil xyuʼam ebʼ li winq ut ixq li tiikebʼ chaq xchʼool chiru li Yos li naʼaatinak wiʼ li Santil Hu.

•   Saʼ li naʼlebʼ «Ma wank ani kiyobʼtesink re?», naxkʼut li xchʼinaʼusal ut li xtzʼaqalil re ru li yobʼtesihom.

 Ebʼ li raqal aʼin, ak kixtenqʼa naabʼal li kristiʼaan re xtawbʼal xkʼojobʼankil xchʼool. Maayaabʼasi naabʼal li naʼlebʼ saʼ junpaat, chaawoksi bʼan li hoonal naq wankat aajunes re xkʼoxlankil rix li xyaalal ebʼ li raqal li Santil Hu ut re tijok (Marcos 1:35).

•   Salmo 23:1-6

•   Salmo 34:2-23

•   Salmo 46:2-12

•   Salmo 63:7-9

•   Salmo 91:1-6

•   Mateo 6:25-34

•   2 Corintios 1:3, 4

•   Filipenses 4:6, 7

•   1 Pedro 5:6, 7

 Moko chʼaʼajkaq ta chaawu xqʼaxbʼal ru ebʼ li chʼaʼajkilal wi nakaataw ru kʼaʼut naq yook chi kʼulmank ut nakaatzol kʼaru tixbʼaanu li Yos re xtuqubʼankil ru (Isaías 65:17).

•   Kʼaʼut naq li Yos inkʼaʼ narisi li rahilal?

•   Ma wanko saʼ «rosoʼjikebʼ li kutan»?

•   Kʼaru xyaalal li kaahibʼ li wankebʼ saʼ xbʼeen li kawaay li naʼaatinak wiʼ li hu Apocalipsis?

•   Kʼaru truuq xbʼaanunkil li Xnimajwal Awabʼejilal li Yos.

 Aajel ru naq tatnaʼlebʼaq chi’us re naq inkʼaʼ tnumtaaq aakʼaʼuxl ut li rahil chʼoolej li nakaawekʼa naq wankat aajunes (Mateo 6:25).

•   Chanru ttuqlaaq laakʼaʼuxl.

•   Tatruuq kʼoxlak chiʼus.

•   Ma nokooxtenqʼa li Santil Hu naq maakʼaʼ qatumin?

•   Ma nokooxtenqʼa li Santil Hu naq yajo?

 Ebʼ laawamiiw naru nakateʼxtenqʼa chi kʼoxlak chiʼus ut re naq sahaq laachʼool usta nachʼaʼajkoʼk cheeru rilbʼal eeribʼ saʼ kristiʼaanil. Wi inkʼaʼ nakatruuk elk saʼ laawochoch maare naru nakaabʼoq ebʼ laawamiiw ut chi joʼkan kawaq leeʼamiiwil ut maare taataw jalanebʼ chik aawamiiw. Ebʼ li naʼlebʼ aʼin tatxtenqʼa chi xtawbʼal li chaabʼil amiiw ut wank joʼ jun chaabʼil amiiw (Proverbios 17:17).

•   Chaawamiiwi li jalanebʼ chaawu.

•   Taatawebʼ laawamiiw bʼarwiʼ maajunwa nakaawoybʼeni.

 Li Santil Hu naxye naq qʼaxal us naq tqakawresi li qajunxaqalil (1 Timoteo 4:8). Ut qʼaxal wiʼ chik natenqʼank naq tookʼoxlaq chiʼus ut naq naqakʼoxla naq wanko qajunes. Usta inkʼaʼ nakatruuk chi elk saʼ laawochoch chʼolchʼo naq taataw chanru taakawresi laajunxaqalil.

•   Li xkawilal laajunxaqalil.