QAYUʼAM JOʼ AJ PAABʼANEL
Tzol chiʼus li puktesink: Tenqʼahebʼ li teʼraj wank choʼq xtzolom li Jesus
KʼAʼUT US XBʼAANUNKIL. Li Jehobʼa naxbʼaanu naq tkʼiiq li yaal saʼ xchʼoolebʼ li qas qiitzʼin li nekeʼraj xtawbʼal li junelik yuʼam (Hch 13:48; 1Co 3:7). Laaʼo nokooʼokenk ajwiʼ naq naqakʼe qachʼool chirixebʼ li nekeʼxyuʼami li nekeʼxtzol (1Co 9:26). Aajel ru naq ebʼ li qas qiitzʼin aʼin chʼolchʼooq chiruhebʼ naq, wi teʼraj koleʼk, xbʼeenwa teʼxsubʼ ribʼ saʼ haʼ (1Pe 3:21). Re naq ebʼ li yookebʼ xtzolbʼal li Santil Hu qikʼin teʼoq xloqʼoninkil li Yos, tento tqatenqʼahebʼ re naq teʼxjal li xyuʼam, teʼpuktesinq, teʼxtzol jalanebʼ chik, ut teʼxqʼaxtesi li xyuʼam chiru li Jehobʼa (Mt 28:19, 20).
CHANRU XBʼAANUNKIL
-
Taajultika rehebʼ laatzolom naq li xyaalalil naq nekeʼxtzol li Santil Hu aʼan re naq teʼxnaw ru li Jehobʼa ut teʼxsahobʼresi xchʼool (Jn 17:3).
-
Re naq teʼkʼiiq saʼ li xpaabʼal, tenqʼahebʼ re naq teʼruuq xqʼaxbʼal ru ebʼ li chʼaʼajkilal joʼ li yiibʼ ru aj naʼlebʼ ut wank saʼ amiiwil rikʼinebʼ li inkʼaʼ usebʼ xnaʼlebʼ.
-
Kawresihebʼ xchʼool naq toj maajiʼ nekeʼxsubʼ ribʼ saʼ haʼ ut naq ak xeʼxbʼaanu (Hch 14:22).
NAQ AK XAAWIL LI BʼIDEO LI JEHOBʼA TATXTENQʼA, TAASUME EBʼ LI PATZʼOM AʼIN:
-
Kʼaru naru tramoq chiru junaq li qas qiitzʼin re naq inkʼaʼ tixqʼaxtesi li xyuʼam chiru li Yos ut tixsubʼ ribʼ saʼ haʼ?
-
Chanru teʼruuq ebʼ li cheekel winq xtenqʼankil li yookebʼ xtzolbʼal li Santil Hu re naq teʼkʼiiq saʼ li xpaabʼal?
-
Kʼaru naxkʼut chiqu chirix li Jehobʼa Isaias 41:10?
-
Kʼaru li chaabʼil naʼlebʼ tooxtenqʼa chi kʼanjelak chiru li Jehobʼa joʼ nawulak chiru aʼan usta laaʼo aj maak?
Chanru tooruuq xtenqʼankil li Jehobʼa re xsikʼbʼalebʼ li teʼraj wank choʼq xtzolom li Jesus?