Qabʼoqaqebʼ li wankebʼ saʼ li qateep re naq teʼwulaq chi xnimankil li xkamik li Kriist Chiru li chihabʼ aʼin, li nimla kʼanjel ttiklaaq saʼ li 27 re Febrero, ut tqakʼe qachʼool chi xbʼoqbʼalebʼ chixjunilebʼ li wankebʼ saʼ li qateep re naq tooʼeʼrochbʼeni chi xnimankil li xkamik li Kriist. Tento tqakʼe reetal anihebʼ teʼxkʼulubʼa li hu re naq moqon chik tqatenqʼahebʼ.

BʼAANU LI KʼUTBʼESINK

«Naqaj raj naq tatwulaq saʼ jun li nimla chʼutam. Saʼ li 23 re Marzo, chi miyon ebʼ li poyanam re chixjunil li Ruuchichʼochʼ teʼxchʼutubʼ ribʼ chi xnimankil li xkamik li Jesukriist. Twanq jun li seeraqʼ li isinbʼil saʼ li Santil Hu, ut moko tojbʼil ta, chirix chanru nokooxtenqʼa li xkamik. Saʼ li hu aʼin naxchʼolobʼ li hoonal ut li naʼaj bʼarwiʼ twanq li chʼutam saʼ li qateep. Twulaq raj chiqu naq tooʼaawulaʼani.»

Wi li poyanam nawulak chiru li esil:

• TAAYEECHIʼI LI HU LA ATALAYA

  Taakanabʼ jun li patzʼom malaj jun li hu re naq tatruuq rulaʼaninkil.

• TAAKʼUT LI BʼIDEO CHIRIX XNIMANKIL LI XKAMIK LI KRIIST

  Taakanabʼ jun li patzʼom malaj jun li hu re naq tatruuq rulaʼaninkil.

Naq taawulaʼani wiʼ chik:

• TAAKʼUT LI BʼIDEO KʼAʼUT US NAQ TATTZOLOQ CHIRIX LI SANTIL HU?

  Chirix chik aʼan, taayeechiʼi jun rehebʼ li hu li naqoksi re xtzolbʼalebʼ li poyanam.

• TAAYEECHIʼI LI HU KʼARU TZʼAQAL NAXCHʼOLOBʼ LI SANTIL HU?

  Taawoksi li naʼlebʼ li wank saʼ li perel 206-208 re xchʼolobʼankil chiru wiibʼ oxibʼ li naʼlebʼ chirix li xnimankil li xkamik li Kriist. Chirix chik aʼan, taayeechiʼi li tasal hu.

• TAAYEECHIʼI LI HU CHAAPAABʼ LI YOS

  Taawoksi li naʼlebʼ li wank saʼ li perel 18 ut 19 re xtzʼilbʼal li xyaalalil li xkamik li Kriist. Chirix chik aʼan, taayeechiʼi li tasal hu.