Naq toj maajiʼ naqakʼubʼ chiʼus kʼaru tqabʼaanu, maakʼaʼ naxye ma nim malaj kachʼin, ma naqakʼoxla xbʼeenwa kʼaru tixkʼoxla li Jehobʼa? Usta maajunwa tqanaw chi tzʼaqal li naxkʼoxla li Jehobʼa, saʼ li Raatin naxye qe li naʼajmank chiqu re naq kawresinbʼilaqo chi xbʼaanunkil «chixjunil li chaabʼil kʼanjel» (2Ti 3:16, 17, SBG; Ro 11:33, 34). Li Jesus kixkʼe reetal chi tzʼaqal li naraj li Jehobʼa ut kixkʼe xbʼeenwa aʼin saʼ li xyuʼam (Jn 4:34). Joʼ li Jesus, qakʼehaq qachʼool chi xbʼaanunkil li nawulak chiru li Jehobʼa (Jn 8:28, 29; Ef 5:15-17).

NAQ AK XAAWIL LI BʼIDEO MIQAKANABʼ XKʼEBʼAL REETAL LI NARAJ LI JEHOBʼA (LE 19:18), TAASUME EBʼ LI PATZʼOM AʼIN:

• Kʼaʼut tento tqayuʼami li naʼlebʼ li naxkʼe li Santil Hu?

• Kʼaru li naʼlebʼ re li Santil Hu wanq raj saʼ qachʼool naq tqasikʼ kʼaru li bʼich tqabʼi?

• Kʼaru li naʼlebʼ re li Santil Hu wanq raj saʼ qachʼool naq tqasikʼ chanru xtiqibʼankil ut xyiibʼankil qibʼ?

• Bʼar chik naru tqayuʼami li chaabʼil naʼlebʼ li naxkʼe li Santil Hu?

• Chanru tooruuq xkʼebʼal reetal chiʼus li naraj li Jehobʼa?