Kʼaʼut tento tqasikʼ ru chiʼus ebʼ li ajsibʼaal u? Xbʼaan naq wi naqasikʼ junaq li pelikula, li bʼich, li naʼaj saʼ Internet, li tasal hu malaj li videojuego, yooko xsikʼbʼal li tqachʼik saʼ li qakʼaʼuxl. Li tqasikʼ xbʼaanunkil tixkʼutbʼesi chanru li qanaʼlebʼ ut li qabʼaanuhom. Ra xyeebʼal, abʼan saʼebʼ li qakutan li xkʼihalil li ajsibʼaal u nekeʼxkʼut li inkʼaʼ nawulak chiru li Jehobʼa (Sl 11:5; Gal 5:19-21). Joʼkan naq, li Santil Hu naxye qe naq junelik tqakʼoxla rix li naxkʼe xloqʼal li Jehobʼa (Flp 4:8).

NAQ AK XAAWIL LI BʼIDEO KʼARU LI AJSIBʼAAL U TWOKSI?, TAASUME EBʼ LI PATZʼOM AʼIN:

• Kʼaru xjuntaqʼeetalil li yalok li nekeʼxbʼaanu chaq ebʼ li qas qiitzʼin saʼ Roma rikʼin li ajsibʼaal u li wank saʼebʼ li qakutan?

• Chanru teʼruuq ebʼ li hermaan saʼ li chʼuut xtenqʼankilebʼ li saaj re naq teʼxsikʼ ru chiʼus ebʼ li ajsibʼaal u?

• Chanru nokooxtenqʼa Romanos 12:9 re naq tqasikʼ ru ebʼ li ajsibʼaal u?

• Kʼaru ebʼ li ajsibʼaal u naqataw saʼ li qateep li nawulak chiru li Jehobʼa?