QAYUʼAM JOʼ AJ PAABʼANEL
Li rahok reetalil ebʼ li tzʼaqal aj paabʼanel: Miqakʼoxla kaʼajwiʼ li naqaj chi moko toopoʼq saʼ junpaat
KʼAʼUT US XBʼAANUNKIL. Li Jesus kixye naq li rahok tkʼutbʼesinq re anihebʼ li tzʼaqal aj paabʼanel (Jn 13:34, 35). Re xkʼutbʼesinkil li rahok joʼ li kixkʼut li Kriist, tento naq tqakʼoxla ebʼ li junchʼol ut inkʼaʼ toopoʼq saʼ junpaat (1Co 13:5).
CHANRU XBʼAANUNKIL
-
Xbʼeenwa tqatzʼil rix bʼar nachalk li chʼaʼajkilal ut li tixkʼam chaq aʼin wi saʼ junpaat nokoopoʼk naq nekeʼxye malaj nekeʼxbʼaanu junaq li naʼlebʼ li inkʼaʼ nawulak chiqu (Pr 19:11).
-
Qajultikaq naq chiqajunilo aj maak ut wank sut tqaye malaj tqabʼaanu junaq li naʼlebʼ li inkʼaʼ raj xqaj xyeebʼal.
-
Tqatuqubʼ ru li chʼaʼajkilal saʼ junpaat.
NAQ AK XAAWIL LI BʼIDEO QARAHAQ QIBʼ CHIQIBʼIL QIBʼ: LI RAHOK INKʼAʼ NAPOʼK, TAASUME EBʼ LI PATZʼOM AʼIN:
-
Chanru kinaʼlebʼak laj Daniel rikʼin li kiyeheʼk re xbʼaan laj Tomas?
-
Kʼaru kitenqʼank re laj Tomas re naq inkʼaʼ tchoqinq?
-
Kʼaru rusilal kitawmank saʼ xkʼabʼaʼ naq laj Tomas kiʼaatinak saʼ tuulanil?
Kʼaru rusilal naxtaw li chʼuut naq inkʼaʼ nokoopoʼk saʼ junpaat?