KʼAʼUT US XBʼAANUNKIL. Tento tqakʼut li yaal chirix li rajom li Yos, joʼ kixbʼaanu li Jesus (Jn 18:37). Usta wanko saʼ li ruuchichʼochʼ bʼarwiʼ xnumtaak li tikʼtiʼ ut li maaʼusilal, tento naq tsahoʼq saʼ qachʼool rikʼin li yaal, tqaye li yaal ut tqakʼoxla chixjunil li tzʼaqal yaal (1Co 13:6; Flp 4:8).

CHANRU XBʼAANUNKIL

• Inkʼaʼ tqakʼulubʼa rabʼinkil malaj xnumsinkil ebʼ li aatin li naqabʼi (1Te 4:11).

• Inkʼaʼ tsahoʼq saʼ qachʼool rikʼin li rahilal li nekeʼxkʼul ebʼ li junchʼol.

• Tqakʼoxla ebʼ li chaabʼil naʼlebʼ li tooxtenqʼa ut tixkawresi qachʼool.

NAQ AK XAAWIL LI BʼIDEO QARAHAQ QIBʼ CHIQIBʼIL QIBʼ: LI RAHOK INKʼAʼ NASAHOʼK XBʼAAN XMAAKʼAʼIL LI TIIKILAL, NASAHOʼK BʼAN RIKʼIN LI YAAL, TAASUME EBʼ LI PATZʼOM AʼIN:

• Kʼaʼut taaye raj naq li xʼAna kisahoʼk saʼ xchʼool xbʼaan «xmaakʼaʼil li tiikilal»?

• Kʼaru kixbʼaanu li xʼAlicia re xjalbʼal li raatin li xʼAna ut re aatinak chirix li chaabʼil naʼlebʼ?

• Chirix kʼaru li chaabʼil naʼlebʼ tooruuq chi aatinak?