Wi naʼelk qakʼulbʼal junaq chʼinaʼal malaj chʼina ixqaʼal, tento tqapatzʼ re ma wank li xnaʼ malaj li xyuwaʼ, chi joʼkan tqoxloqʼi li wankil li kʼebʼil rehebʼ (Pr 6:20). Ut wi li chʼinaʼal malaj li chʼina ixqaʼal tixye qe naq toonumeʼq saʼ rochoch, inkʼaʼ tqakʼulubʼa. Wi li naʼbʼej yuwaʼbʼej inkʼaʼ nekeʼruuk qakʼulbʼal, toosutqʼiiq saʼ junaq chik hoonal.

Usta saaj al malaj ixqaʼal, maare 15 toj 19 chihabʼ, li t-elq qakʼulbʼal, us naq tqapatzʼ re ma wank li xnaʼ malaj li xyuwaʼ. Wi maaʼanihebʼ malaj laatzʼebʼ ru, tqapatzʼ ma nakanabʼaak chi xsikʼbʼal kʼaru hu naru naril. Wi joʼkan, naru tqayeechiʼi junaq li tasal hu ut tqaye re, naq tril li qanaʼaj jw.org.

Naq toosutqʼiiq rulaʼaninkil junaq li saaj li xwulak chiru li esil, qayehaq re, naq twulaq chiqu xnawbʼal ru li xnaʼ xyuwaʼ. Chi joʼkan, tooruuq xchʼolobʼankil chiruhebʼ kʼaʼut yooko rulaʼaninkilebʼ ut tqaseeraqʼi rehebʼ li chaabʼil naʼlebʼ li naxkʼe li Santil Hu rehebʼ li junkabʼal (Sl 119:86, 138). Wi naqoxloqʼi li wankil li kʼebʼil re li naʼbʼej yuwaʼbʼej, aʼin ttenqʼanq re naq sa teʼaatinaq chirix li Yos ut saʼ junaq chik kutan tooruuq xkʼebʼal resil li chaabʼil esilal re chixjunil li xjunkabʼal (1Pe 2:12).