QAYUʼAM JOʼ AJ PAABʼANEL
Li Jehobʼa naxkolebʼ li maakʼaʼ chik roybʼenihomebʼ
Ak re naq wank sut narahoʼk saʼ qachʼool. Abʼan moko naraj ta xyeebʼal naq maakʼaʼ qapaabʼal. Li Jehobʼa ajwiʼ wank sut naq narahoʼk saʼ xchʼool (Gé 6:5, 6). Kʼaru tooruuq xbʼaanunkil naq tnumtaaq xrahil qachʼool malaj junelik ra saʼ qachʼool?
Patzʼ aatenqʼ re li Jehobʼa. Aʼan naraj naq tuqtuuq ru qachʼool ut sa wanqo. Naxnaw chi tzʼaqal re ru ma ra malaj sa qachʼool. Naxtaw ru li naqekʼa ut li wank saʼ qakʼaʼuxl (Sl 7:10a). Li Jehobʼa naru nokooxtenqʼa xbʼaan naq naxkʼe xchʼool chiqix (Sl 34:19).
Chaakol laakʼaʼuxl. Naq ra qachʼool inkʼaʼ naqataw xsahil li qayuʼam ut naru ajwiʼ naq tixchʼaʼajki li qamiiwil rikʼin li Jehobʼa. Joʼkan naq wank xwankil naq tqakol li qachʼool, naraj naxye li qakʼaʼuxl ut li naqekʼa (Pr 4:23, La Biblia. Traducción del Nuevo Mundo, 2019 saʼ español).
NAQ AK XAAWIL LI BʼIDEO EBʼ LI HERMAAN WANKEBʼ SAʼ TUQTUUKILAL USTA RAHEBʼ SAʼ XCHʼOOL, TAASUME EBʼ LI PATZʼOM AʼIN:
-
Kʼaru kixbʼaanu li xNikki re xqʼaxbʼal ru li rahil chʼoolej?
-
Chanru xkʼe reetal li xNikki naq naʼajmank chiru xik rikʼin laj bʼanonel? (Mt 9:12).
-
Kʼaru xbʼaanu li xNikki re xkʼojobʼankil xchʼool rikʼin li Jehobʼa?
