QAYUʼAM JOʼ AJ PAABʼANEL

Tenqʼa li maawaʼebʼ aj paabʼanel chi xnawbʼal ru laj Yobʼtesinel

XKʼEBʼAL CHI EKʼANK RIKʼIN

Ma wank sut inkʼaʼ xaawaj xyeebʼal li esil re junaq li kristiʼaan li inkʼaʼ naxpaabʼ li Yos xbʼaan naq xaakʼoxla naq inkʼaʼ naraj abʼink? Wi joʼkan, jultika naq naabʼalebʼ li hermaan inkʼaʼ nekeʼxpaabʼ chaq li Yos malaj nekeʼxye naq moko wank ta li Yos. Abʼan wank ani xeʼkʼutuk chiru ut nekeʼxpaabʼ chik naq wank li Yos (Ro 1:20; 10:14).

NAQ AK XAAWIL LI BʼIDEO CHAAJULTIKA: LI MAAKʼAʼEBʼ XPAABʼAL NARU NEKEʼXTAW AJWIʼ. EBʼ LI INKʼAʼ NEKEʼTZʼAQONK SAʼ JUNAQ LI PAABʼAL, TAASUME LI PATZʼOM AʼIN:

Chanru nokooxtenqʼa li kixkʼul laj Tommaso chi puktesink rikʼinebʼ li maakʼaʼebʼ xpaabʼal?

Li taasume

Chanru tatruuq xbʼaanunkil

Wi nakaataw junaq li poyanam li inkʼaʼ naxpaabʼ naq wank li Yos, aatina saʼ qʼunil, maatochʼ xchʼool, abʼi li narekʼa ut naxkʼoxla (2Ti 2:24). Ye re li naʼlebʼ li naraj rabʼinkil. Ma naxkʼulubʼa aatinak chirix li naʼlebʼ li kixtenqʼa junjunq li hermaan li xeʼxpaabʼ naq wank jun li Yos? Moqon chik taawoksi li tasal hu ut ebʼ li bʼideo li kʼubʼanbʼil re xtenqʼankilebʼ li kristiʼaan. Li hu ¿Es la vida obra de un Creador? ut Oobʼ li patzʼom li tento xtzʼilbʼal rix chirix li xtiklajik li yuʼam (maakʼaʼ saʼ qʼeqchiʼ) ak wank saʼ li kʼanjelobʼaal re kʼutuk re naq saʼ junpaat taataw.

Maare tchʼaʼajkoʼq chaawu xtikibʼankil aatinak chirix li chaabʼil esilal re junaq li inkʼaʼ naxpaabʼ li Yos. Wi joʼkan patzʼ laatenqʼ re junaq li hermaan li wank xnaʼlebʼ. Misach saʼ laachʼool: li Jehobʼa naru tatxtenqʼa re naq twulaq saʼ xchʼool junaq li kristiʼaan li naraj xtawbʼal li junelik yuʼam usta naxkʼoxla naq moko wank ta li Yos (Hch 13:48).