Marcos 16:1-8
-
Nawaklesiik chi yoʼyo li Jesús (1-8)
16 Joʼkan bʼiʼ naq ak xnumeʼk li sábado,* li xMaría Magdalena, li xMaría, xnaʼ laj Santiago, ut li xSalomé xeʼxloqʼ li sununkil bʼan re naq teʼxyul chaq chiru li xtibʼel li Jesús.
2 Ut toj eqʼla, saʼ li xbʼeen kutan re li xamaan, naq ak xʼelk li saqʼe xkohebʼ saʼ li muqlebʼaal.
3 Ut xeʼxye chiribʼilebʼ ribʼ: «Ani ttenqʼanq qe chi xtolkʼosinkil li pek li wank saʼ rokebʼaal li muqlebʼaal?».
4 Abʼan naq xeʼxtaqsi li rilobʼaal xeʼxkʼe reetal naq ak xeʼxtolkʼosi li pek, usta kʼajoʼ chaq xnimal.
5 Naq xeʼok saʼ li muqlebʼaal, xeʼril chi chunchu saʼebʼ li xnim uqʼ jun li saaj al li tiqto rikʼin saqi jut-aqʼ. Ut sachso xchʼool xeʼkanaak.
6 Aʼan kixye rehebʼ: «Mexxuwak. Laaʼex nekeesikʼ li Jesús laj Nazaret, li kitʼuyubʼaak chiru cheʼ. Aʼan ak xwaklesiik chi yoʼyo. Moko wank ta arin. Ilomaq, aʼin li naʼaj bʼarwiʼ xeʼxkʼe.
7 Abʼan ayuqex, ut yeehomaq chaq rehebʼ li xtzolom ut teeye ajwiʼ re laj Pedro: “Yook cheeru saʼ xbʼehil Galilea. Aran teeril ru joʼ kixye chaq eere”».
8 Tojaʼ naq xeʼelk saʼ li muqlebʼaal ut xeʼelelik. Nekeʼsiksotk naq yookebʼ chi xik ut numtajenaq xsahilebʼ xchʼool. Ut maaʼani ajʼe xeʼxseeraqʼi xbʼaan naq yookebʼ xxiw.*
Xtzʼaqobʼ ebʼ li naʼlebʼ
^ Taawil xchʼolobʼankil li aatin, sábado.
^ Joʼ nekeʼxkʼut ebʼ li najteril hu li chalenaq wiʼ li Santil Hu, li Chaabʼil Esil li kixtzʼiibʼa laj Marcos naraqeʼk rikʼinebʼ li aatin li wank saʼ li raqal waqxaqibʼ.
