«Teʼwaklijeʼq chi xkamsinkil ribʼebʼ tenamit rikʼin jalan chik tenamit, li awabʼej rikʼin jalan chik awabʼej [...]. Chixjunil aʼin aʼanaq li xtiklajik li nimla rahilal.»

(Mateo 24:7, 8)

«Teʼwaklijeʼq chaq propeet aj bʼalaqʼ ut xiikilebʼ li teʼbʼalaqʼiiq xbʼaanebʼ aʼan. Taanumtaaq li maaʼusilal, joʼkan naq taakehoʼq li rahok saʼ xchʼool li xkʼihalebʼ li tenamit.»

(Mateo 24:11, 12)

«Naq teerabʼihatq naq yooq li kamsij ibʼ malaj ut yal resil li yalok, mexxiwak: tento taakʼulmanq aʼin; abʼan toj majiʼaq li rosoʼjik.»

(Marcos 13:7)

«Talajeʼwanq ninqi hiik ut, saʼ naabʼal chi naʼajej, taawanjeʼq weʼej ut yajel; xiwajelaq rilbʼal li taakʼulmanq, ut saʼ li choxa teʼwanjeʼq xninqalebʼ eetalil.»

(Lucas 21:11)

 «Saʼ rosoʼjikebʼ li kutan wank honal qʼaxal chʼaʼajkaq xnumsinkil. Ebʼ li winq junes rehebʼ teʼraj, teʼxrahi ru li tumin, teʼxnimobʼresihatq xwankilebʼ, teʼxqʼetqʼeti ribʼebʼ, aj majewanelaqebʼ, aj qʼetolaqebʼ raatin xnaʼ xyuwaʼ, maakʼaʼ chik teʼxnaw xyoxinkil ut teʼxtzʼeqtaana li paabʼank. Inkʼaʼ chik teʼxrahatq ribʼ, maakʼaʼaq chik usilal rikʼinebʼ, aj yoobʼanelaqebʼ aatin, inkʼaʼ teʼxkuy ribʼ, qʼaxal josqʼaqebʼ, xikʼ teʼril li chaabʼilal, aj bʼalaqʼaqebʼ ut kawaqebʼ ribʼ chi xbʼaanunkil li inkʼaʼ us. Taanumtaaq li xqʼetqʼetilebʼ, aʼ chik li xsahilal li ruuchichʼochʼ teʼrataw chiru li xraabʼal li Yos, aj paabʼanelebʼ naq teʼxbʼaanu ribʼ, aʼut teʼxtzʼeqtaana li us.»

(2 Timoteo 3:1-5)