«Inkʼaʼ taakanabʼ rilbʼal xsaʼ xhuhil li Chaqʼrabʼ aʼin; chakʼoxla rix chi qʼeq ut chi kutan. Chi joʼkan junelik taabʼaanu li kʼaru naxye; tat-usaaq ut chaabʼil tat-elq saʼ chixjunil laakʼanjel.»

(Josue 1:8)

«Keʼxyaabʼasi xsaʼ xHuhil li xChaqʼrabʼ li Yos chi raqal ut keʼxchʼolobʼ saʼ raatinobʼaalebʼ re naq taatawmanq ru li xyaabʼasimank.»

(Nehemias 8:8)

«Us xaq rehebʼ li inkʼaʼ naxik xchʼoolebʼ chirix xtakchiʼ li inkʼaʼ usebʼ xnaʼlebʼ, [...] nekeʼxtaw bʼan xsahilalebʼ xchʼool rikʼin xchaqʼrabʼ li Qaawaʼ, nekeʼxkʼoxla rix li raatin ut nekeʼxtzol chi qʼeq ut chi kutan! [...] Us nekeʼelk rikʼin chixjunil li nekeʼxbʼaanu.»

(Salmo 1:1-3)

«Tikto laj Felipe kiʼaanilak toj chi xkʼatq [laj Etiopia], ut kirabʼi chi xyaabʼasinkil xsaʼ li xhu li propeet Isaías. Kixpatzʼ re: —Ma nakataw ru li yookat chi rilbʼal? chan. Kichaqʼok aʼan, ut kixye: —Chanru naq tintaw xyaalal wi maaʼani taachʼolobʼanq chiwu?»

(Hechos 8:30, 31)

 «Chalen chaq saʼ xkʼojlajik li ruuchichʼochʼ li kʼaʼaq re ru inkʼaʼ ilbʼil ru re li Yos, aʼ li xjunelik wankil ut li xYosilal, nakʼutunk chiruhebʼ li nekeʼkʼoxlak chirixebʼ li xbʼaanuhom.»

(Romanos 1:20)

«Kʼe aachʼool chirix chixjunil aʼin; chaqʼaxtesi aawibʼ chi xbʼaanunkil li xinye aawe re naq taakʼutunq chiruhebʼ chixjunil naq yo chi nimank laanaʼlebʼ ut laaseebʼal saʼ laakʼanjel.»

(1 Timoteo 4:15)

«Chiqilaq qibʼ chiqibʼil qibʼ re xkʼeebʼal xkawubʼ qachʼool chi rahok joʼwiʼ chi xbʼaanunkil li chaabʼil kʼanjel. Miqakanabʼ li qachʼutam.»

(Hebreos 10:24, 25)

«Wi wank junaq eere yo chi majeloʼk xnaʼlebʼ, chixtzʼaamaq re li Yos, ut taakʼeheʼq re, xbʼaan naq li Yos nakʼehok chi anchal xchʼool.»

(Santiago 1:5)